Кез келген бөтен халықтың өмір салты, әдет-ғұрпы, діни сенімі сырттан қарағанға әрдайым біртүрлі жабайылау және түсініксіз болып көрінетіні бар. Осынау біртүрлі болып көрінетін салт-дәстүрдің халықтың қандай жағдайда, қалай өмір сүретініне, Тәңірдің оларға бұйыртқан жеріне, ондағы ауа райына, тамақ тауып жеу ерекшелігіне, ғасырларға жалғасқан бұрынғы өткен жолына, үйреншікті наным-сенімдеріне, дініне байланысты болатынын білудің маңызы зор… Ерік-жігері әлсіз, таяз ойлайтын билеушілер олардың осындай ерекшеліктерін түсінгісі келмегендіктен немесе түсіне алмайтындықтан жоғарыдан менсінбей қарайды, сөйтіп, оларды кеудесінен итеріп, өздеріне қарсы қояды, яғни қарамағындағы халықтардың ашу-ызасын туғызады, жау етеді, бұдан асқан ақымақтық болар ма, сірә? Сонда керегі не? Керегі сыйластық, шынайы құрмет, сонда оларда да жақсы үміт пайда болады, барлығымен тең дәрежеде өмір сүретін бір елдің адамдары қалыптасады…
