автордың кітабынан сөз тіркестері  Қаржы қағидалары

Данияр Жігітбек

Дардай жігіттің «шыдамай ақшамды жаратып қоямын» дегені «оразада шыдамай аузымды ашып жіберемін» дегенінен еш айырмашылығы жоқ

Табысың артып, шотыңда миллиондар айналып жатқанда, ақшаның жай сандар екенін түсінесің. Ақша сен ойлағандай үлкен маңызға да ие емес екен. Ол – жай математика.

өнімділігіңе қанағат етуге болмайды, нәтижеңе қанағат ету керек. Бұл – шүкірлік. Себебі өнімділігің тікелей өзіңе байланысты, ал нәтиже – Алладан.

1 теңге = 1 құл. Әскерің үлкен болмаса, құлдарыңды орынсыз өлтіре берме

Жас кезде білім алудың бір сағат «азабына» шыдамаған адам өмір бойы надандықтың азабын татып өтеді.

«Қанша табатының маңызды емес, қандай қаржылық әдеттерің бар, сол маңызды»

Ойша болсын, былай болсын, үнемі ақшаңды санап жүр. Қалтаңда әлі болмаса да, миыңда миллиондар жүрсінші. Қайдан қанша келіп жатқанын, оның қаншасы қайда кетіп жатқанын ерінбей есепте.

Ер адам – түз тағысы. Үнемі ізденісте, қозғалыста жүрмесе, комфортқа ұмтылса, өз-өзін жоғалтып алады.

Дұрыс қаржылық әдеттердің бірі: кіріс-шығыс есебін жүргізу.

Айлық шығыныңды есептеп, соны 6-ға көбейтесің. Бұл – жұмыссыз қалсаң, сені 6 ай асырайтын ақша. Қорды жинағанша да, кейбір қалауларыңа жоқ дей тұрасың. Қорды жинап, өзіңді еркін сезіне бастайсың. Бірақ үнемдеу әдетін тастамайсың. Қашанға дейін үнемдеу керек? Ақша саған жұмыс істейтін, ал сен жұмыс істемейтін деңгейге жеткенше, үнемдеуден ләззат алып өмір сүр. Зейнетке 30-35 жасыңда шыққың келмей ме? Өзіңді инвестор сезінсең, үнемдеу болмысыңа айналып кетеді