автордың кітабынан сөз тіркестері  Жүрек сырлары

Абу Хамид Газали

Кім көзін харам нәрселермен толтырса, Алла Тағала қиямет күні оның көзін отпен толтырады».

От отынды жандырып күл қылғандай, қызғаныш та пенденің жақсы істерін жеп тауысады

Мына төрт нәрсе намазға кедергісін тигізеді:
– Сәжде жерінен басқа жаққа қарау.
– Бетті сипау.
– Сәжде жасайтын жердегі құм және шағыл тастарды лақтыру.
– Алдынан біреу өтуі ықтимал болған жерде намаз оқу».

Себебі арам аспен азықтану – ең үлкен күнәлардың бірі.

Әрдайым Алла жолында болыңдар, қиямет күні оның сыйлығын аласыңдар.

Пайғамбарымыз: «Мүмін намаз оқиды, ораза ұстайды, ал мұнафық хайуандай жеп-ішеді, намаз оқымайды және Алла бұйырған әдеп-ахлаққа кереғар іс жасайды. Мүмін пенде қиналып жатқандарға жәрдем берумен және Алладан кешірім сұраумен әлек болады, ал мұнафық нәпсінің жетегінде ашкөздікпен жан-жаққа жүгіре береді. Мүмін Аллаға ғана сенеді, ал мұнафық Алладан басқа барлық нәрсеге сенгенмен Аллаға тәуекел ете алмайды. Мүмін дінін мал-мүлікке сатпайды, ал мұнафық дінін ақшаға сатады. Ол үшін мал-мүлік діннен де, иманнан да жоғары тұрады. Мүмін Алладан басқа ешкімнен қорықпайды, ал мұнафық Алладан басқа әркімнен қорқа береді. Мүмін күнәдан сақтанады, Алла үшін көз жасын төгеді, ал мұнафық күнәдан тыйылмай, емін-еркін жүре береді.

Алланың бір досы Амр ибн Убайд үш нәрсе үшін ғана – жамағатпен намаз оқу, аурудың көңілін сұрау және жаназа намазына тұру үшін ғана үйінен шықты.

Саһл айтады: «Алланы сүюдің белгісі – Алланың Кітабын сүю. Алланы және Оның Кітабын сүюдің белгісі – Пайғамбарды (с.а.с.) сүю. Пайғамбарды (с.а.с.) сүюдің белгісі – оның сүннетін орындау. Оның сүннетін орындаудың белгісі – ақыретті сүю. Ақыретті сүюдің белгісі – бұл дүниені сүймеу. Бұл дүниені сүймеудің белгісі – ақыретке азық болатынынан артығын тұтынбау».

Суфиян былай деген: «Кім Алланы сүйгендерді сүйсе, ол Алланы сүйген болады. Кім Алла Тағала құрметтеген пенделеріне құрмет көрсетсе, ол Аллаға тағзым еткен болады».

Бір данышпаннан «Дүние кімдікі?» – деп сұрайды. Данышпан «Оның артынан түспегендердікі», – дейді. «Ақырет кімдікі?» – деп сұралғанда, «Оны қалап, оған ұмтылғандардікі», – деп жауап береді.