– Бұл қай Саид ибн Әмир? – деп сұрады. – Уа, мүминдердің әміршісі, бұл біздің әкіміміз, – деген жауапты естігенде халифа таңданып: – Сендердің әмірлерің кедей ме? – деді. – Иә, ол кедей. Қолына не түссе бәрін кедей-кепшікке таратып бере салады, – деді адамдар.
Ғылым – амалдардың имамы. Амал – ғылымға бағынышты. Ғылым – Жаннатқа бастар шамшырақ, жалғыздықта дос, алыста жансерік, қайғы мен қуанышта жол сілтеуші, дұшпанға қарсы қару және достардың арасында абырой
Білім игеріңіздер. Өйткені ол Алладан қорқуды күшейтеді. Ғылым іздеу – ғибадат. Ғылыми мәселелерді талқылау – Алланы ұлықтау деген сөз. Ғылымды паш ету – жиһад. Білмегендердің көзін ашу – садақа. Білімді лайық адамдарға үйрету – құлды Аллаға жақындатады. Өйткені ілім арам мен адалды, ақ пен қараны ажыратып береді.
Үмбетімнің ең мейірімдісі – Әбу Бәкір, ең қаталы – Омар, ең ұялшағы – Осман, халал мен харамды ең жақсы білгені – Муаз ибн Жәбәл, мирас ілімін ең жақсы меңгергені – Зәйд ибн Сәбит, Құранды ең дұрыс оқитыны – Үбәй ибн Қағб, ең сенімдісі – Әбу Ұбайда
«Мына бес нәрсені естен шығармаңдар. Бұларға қол жеткізу үшін түйеге мініп жолға шықсаңыз, оған қол жеткізе алмастан түйеңіз болдырар еді: Құл Раббысынан өзге ешкімнен бір нәрсе дәметпесін, тек күнәларынан қорықсын. Білімсіз адам білмеген мәселелерін сұрауға ыңғайсызданбасын. Өзінен білмеген бір мәселе сұралған кезде ғалым да: «Ең дұрысын Алла біледі» деуден тартынбасын. Иман сақтаудағы сабырдың орны – бастың денедегі орны сияқты. Сабыры болмағанның иманы да жоқ».
