Бір күні Пайғамбарымыз (саллаллаһу аләйһи уә сәлләм) сахабаларға қарап, жағдайы барларына қажылық парыз болғанын айтып, олардың қажылық парызын орындауын қалайды. Сол жерде отырғандардан біреу: «Жыл сайын қажылыққа барамыз ба?» – деп сұрады. Оған Алла елшісі үндемеді. Ол болса сұрағын үш рет қайталады. Сонда Пайғамбарымыз: «Егер де «иә» деп жауап бергенімде, сендерге қажылыққа жылда баруларың парыз болар еді, ал сендердің бұған күштерің жетпес еді», – деп үмбетіне ауыр соғатын үкімнің парыз болғанын қаламаған еді.
