Цитаты из книги автора Мирас Кесебаев Нағыз жігіт

«Жүрегі ұлы істерге деген талпынысқа толы еркек халықты жандандырады»

Нәзік су тамшысының өзі үздіксіз таму арқылы қатты тасты тесіп тастапты. Тұрақтылық пен төзім болса, бәріне қол жеткізуге болады екен-ау. Менің басым тастан қатты емес шығар, барып білім алуда төзімді болайын

Тәуекел ет те, тас жұт!

Нәзік су тамшысының өзі үздіксіз таму арқылы қатты тасты тесіп тастапты. Тұрақтылық пен төзім болса, бәріне қол жеткізуге болады екен-ау. Менің басым тастан қатты емес шығар, барып білім алуда төзімді болайын» дейді.

Нағыз жігіт ылғи жымиып жүреді.

Көркем мінездің бірінші көрінуге тиіс орны – әке-шешеге. Қандай батыр, білімді, танымал, бай болсаң да, ата-анаңа өте жұмсақ қарауың керек.

Бұл өмірде ең төменгі деңгей – өзіңді қадірсіз сезіну.

Менің ойымша, жауапкершіліктің екі түрі бар: біріншісі – адамзаттың, қоғамның, елдің жігітке артар міндеті; екіншісі – өзің қабылдап алатын жауапкершілік. Біріншісіне келер болсақ, ел ерге жаудан қорғау, отбасыңды құтқару, бейбітшілікті қалыптастыру, қоғамды дамыту, т.б. жауапкершіліктер жүктейді. Оны қала не қалама, бәрібір істейсің. Егер одан қашсаң, адам деген аттан айрыласың. Ал екіншісінің жайы басқа. Мысалы, дәл қазір елімізге мықты биотехнолог маман қажет десе, осыны өзіңізге міндет деп қабылдап алуыңызға болады. Қызығушылығыңыз мүлде басқа болуы мүмкін, бірақ ел үшін әлгіндей жауапкершілікті көтеріп аласыз.

«Кімде-кім жауапкершілікке алған ісін сәтті аяқтау үшін ынты-шынтысымен кіріссе, іші пыспайды, басқа ешнәрсені көңіліңе де алмайды».

Бір істі аяғына дейін жеткізу үшін тәртіпке бағынады. Мотивацияның күші ары кетсе бір аптаға жетуі мүмкін. Ал тәртіп арқылы ұзақ уақыт үздіксіз әрекет ете аласың. Тәртіп, табандылық, бірбеткейлік, алған бетінен қайтпау, бірізділік, тұрақтылық – бәрі нағыз жігіттің бойынан табылуға тиіс қасиеттер.