Цитаты из книги автора Ғалымбек Тобашев Көзді күнәдан қалай қорғаймыз

Бүгінде жастардың қай-қайсысы болсын кафеде, кинотеатр фойесінде немесе көпшілік мінетін көліктерде буддизм, хинди немесе агнос-тизм, атеизмге арнап жазылған еңбектерді еш қымсынбастан, сенімділікпен ашып оқи алатын болса, тура сондай жастардың бірі иманы болса да білгісі келіп, үйренгісі келген өзінің қасиетті кітабы Құранды немесе Пайғамбарының хадис кітабын тура сондай орындарда қысылмай алып жүре алмайды және оқи алмайды да.
Өз құндылықтарына сенімді емес мұндай тұлғалардың психо-патологиялық жағдайының астарында қоршаған ортаның қысымынан гөрі сананың соқырлығы жатқандығы белгілі

Өйткені, қарау жүректе сезімді тудырады, ынтызар ойды қалыптастырады, содан кейін бұл түсінік құмарлықты оятады, құмарлық артынша ерікті түртеді, содан кейін ол күшейіп, нақты шешімге барады. Артынша іс-әрекет жүзеге асады. Арада кедергі жоқ кезде, осы аты аталғандардың барлығы ретімен жүзеге асады. Осы себепті «Сабыр етіп, күнәға қарамау кейіннен туындайтын қиындықтарға шыдаудан әлдеқайда жеңіл»,

«Күнәмен бетпе-бет келгенде көзді жұму – қорғанудың ең жақсы жолы».

7. Күнә жасау былай тұрсын, күнәға апарар жолдарға да мүмкіндігінше екінші қайта аяқ баспау

1. Алдымен күнәлардың ешқайсысын болмашы деп санамау, яғни «не болар дейсің» деп қарамау керек;
2. Әрдайым абайлап, аяқты аңдап басу;
3. Сақ болу. Алаңғасарланып бір рет қарау, бір рет ұстау, бір рет сүйіп көрейін деген жеңсік сезіммен күнәға батпау;
4. Күнәні еріксіз жасағанда да дереу тәубе ету, сол жерден кілт тоқтай білу, тағы жалғасса да үмітсіздікке түспеу;
5. Құлының өзіне бетбұруын әрдайым күтетін Рахманға сиыну, Алла елшісін өзіне шапағатшы ету

Имам Хаким сахих деп санаған хадистің бірінде, Алла елшісі (саллаллаһу аләйһи уә сәлләм):
«Маған мына алты нәрсе үшін кепілдік беріңдер, мен де сендерге жаннатқа кіруге кепілдік берейін:
– Сөйлегенде шындықты айтыңдар;
– Уәделеріңді орындаңдар;
– Аманатқа сенімді болыңдар;
– Ұятты жерлеріңді сақтаңдар;
– Көздеріңді күнәдан қорғаңдар;
– Қолдарыңды харам істен аулақ ұстаңдар»77, – деген.

Тәубенің төрт шарты бар:
– Күнәдан толығымен бас тарту;
– Жамандық жасағанына өкіну;
– Қайта жасамау үшін барын салу;
– Ақысы өткендерге ақысын қайтару

Сыртқа шықпай тұрып рухани дайындық жасау керек. Сауда-саттық орындарына шықпай тұрып, руханиятымызды күшейтетін кейбір нәрселер оқып немесе тыңдап, көріп шығуымыз керек. Осындай рухани дайындықпен шыққан кезде ғана күнәларға тез елітпейміз.

Әдепсіздіктердің санаға әсер ететін зияндары: адам бойындағы жақсылық жасушаларын өлтіреді. Құмарлығын арттырады. Көңіл-күйін бұзады. Дұға етуіне кедергі болады. Адамның өзіне деген құрметін азайтады. Бойдағы еркіне деген сенімі шайқалады. Есте сақтау қабілетін төмендетеді. Көңілді соған аудартып, жүректің қараюына жол ашады. Құмарлық – адамға берілген аманат. Оған рұқсат етілген жолмен ғана бару керек.

Көшедегі күнәлардан қорғануда үйден шығарда дұға оқу, уағыз тыңдау немесе мағыналы бір дүниені көріп, соның рухани әсерімен шығудың берері мол.