Мұңайма! Егер сен күнә жасасаң, тәубе жаса, Жаратқаннан кешірім сұра. Егер сен бір жаман іс жасаған болсаң, Алладан кешірім сұра. Егер сен қате жіберсең, оны дұрыста. Тәубе есіктері ашық, Жаратушы Мейірімді және Қайырымды, кешірім беріледі, дұғалар қабыл болады.
Кесел-кесапат болып кетсе қайтем деп ойлай берме. Әр нәрсенің өз уақыты, шешімі болады. Басыңа келетін нәрсе сені айналып өтпейді. Ал енді саған келмейтін нәрсе бәрібір келмейді
– Мұңайма! Егер сен шынымен қайғыға ұшыраған болсаң, онда қолдарыңды түсірме. Бекершілікке және уайымға берілме, бос және әрекетсіз болма. Керісінше іске ынты-шынтыңмен кіріс те, пайдалы нәрсемен шұғылдан. Намаз оқы, кітап оқы, жазу жаз, саяхатқа шық, қонаққа бар, үйіңді дұрыста, басқаларға жәрдем ет...
Алла Елшісінің (с.а.с.) «Алла жаратылысты жаратып біткеннен кейін, Өзінің жанындағы Кітапқа: «Әлбетте, Менің қаһарымнан мейірімім асып түседі» деп жазған» деген сөзі сені қуантпай ма?
– Қайғырма, өйткені бәрі тағдырға жазылған. Болатын нәрсе болады. Қаламдар көтеріліп, жазудың сиясы кепкен. Барлығы қалай болу керек болса, солай болады, басқаша емес. Сенің қайғың еш нәрсе өзгерте алмайды. Еш нәрсені алыстатып, еш нәрсені жақындата алмайды. Еш нәрсені үлкейтіп, еш нәрсені кішіретпейді.
Алла Тағала саған сан жетпес мәрте жәрдем берді, ал енді сен тағы да мұңаюға және сары уайымға батуға себеп табасың. Әлде саған Алла Тағаланың барлық нәрседен Құдіретті, Күш-қуатты, Ұлы, Мейірімді, Мейірімді, Естуші, Көруші, Кешіруші және тәубелерді Қабыл алушы екені белгілі емес пе?
