Себебі «Кутуб ситтадағы» хадистердің ең басты ерекшелігі – хадистердің сахих болуына аса сақтықпен қаралғандығында. Яғни, «хадис» деп келген хабардың шынымен-ақ ардақты Пайғамбарымыздың (саллаллаһу аләйһи уә сәлләм) өз сөзі екендігіне бұлтартпас дәлел табылса ғана кітаптарына енгізген.
«Сүннет Кітапты (Құранды) тәпсірлейді. Кім сүннетті білмей Құранды ғана алса, қатты қателеседі»
إِنَّمَا هُمَا اِثْنَتَانِ: اَلْكَلَامُ وَالْهَدْىُ، فَأَحْسَنُ الْكَلَامِ كَلَامُ اللّٰهِ وَأَحْسَنُ الْهَدْيِ هَدْىُ مُحَمَّدٍ
«Олар өзі екеу: бірі – кәлам (сөз), екіншісі – һидаят (тура жол). Кәламның ең жақсысы – Алланың сөзі, һидаяттың ең жақсысы – әзірет Мұхаммедтің (с.а.с.) жолы»
1. Пайғамбар сөзі (қаули сүннет). Яғни, Пайғамбарымыздың әртүрлі жиындар мен басқосуларда айтқан сөздері. Мәселен, «Әрбір амал ниетке байланысты» деген сөзін алайық. Осы қасиетті сөзді естіген сахаба мұны аманат деп біліп, басқа мұсылмандарға жеткізуге асыққан. Бұл аманат осылайша ұрпақтан ұрпаққа насихатталып, хадистанушыларға дейін жеткен. Хадис жинақтаушылар оны тексере келіп, Алла елшісінің сөзі екендігіне көздері жеткен соң, кітаптарына жазып алған.
