Есейген Ыдырыстың еңбек жолы телеграф қызметінен басталды. Ол байланыс қызметкерлерін дайындайтын қысқа курсты бітіріп, телеграф мекемесіне орналасады.
1918 жылы Семейде Кеңес үкіметі орнағаннан кейін, Ыдырыс пошта-байланыс жұмысшыларының атынан Семейлік депутаттар кеңесіне делегат болып сайланды. Осыдан кейін сәуір айында ол Алаш аудандық Кеңес депутаттары төрағасының орынбасары және Семей уездік Кеңес депутаттарының төралқа мүшесі болды.
1918 жылдың 11 маусымында Анненков әскері Семейді большевиктерден тазартып, билікті қолға алған кезінде біраз ресми адамдарды тұтқындап, солардың біразын өлтіреді. Тұтқындалғандардың арасында Ыдырыс та бар еді. Сол кезде Жаңа Семейдің Мұхтар Әуезов бастаған жастары үлкен Семейде орналасқан Совет өкіметіне қосылып, партияға кіріп, ақтардың қырып кетуінен елді аман сақтап қалу әрекетіне белсене кіріскен болатын. Түрлі деректер бойынша Ыдырыстың тұтқыннан босатылуына Әуезовтың өзі тікелей себепкер болыпты.
Ал
