nishni bilmasangiz, ish yakuniga yetmaydi. Barcha narsani o‘qish qoidasi bo‘lgani kabi ma’lumotnoma kitoblarning ham o‘ziga xos o‘qish qoidalari mavjud. Aytgancha, ma’lumotnoma kitoblarni tuzib chiqishda o‘zaro bog‘lash va aloqadorlik san’ati qo‘llanadi. Bunda muallif yoki to‘plovchi o‘z o‘quvchilarining qanday ma’lumot xohlashlarini bilishi va shunga asosan, o‘z kitobini ularning ehtiyojlarini qondirar darajada tashkillashtirishi kerak. Bu yerda muallifning farazlari har doim ham to‘g‘ri chiqavermaydi, shunday ekan, kitobni o‘zini o‘qishdan oldin uning kirish qismini va so‘zboshisini o‘qish kerakligi to‘g‘risidagi qoidaga, ayniqsa, shunday vaziyatlarda amal qilinishi kerak. Ma’lumotnomadan oldin muharrirning undan qanday foydalanish borasidagi maslahatlarini o‘qib ko‘rmasdan turib, foydalana ko‘rmang.
Albatta, ma’lumotnoma kitoblarda barcha savollarga ham javob topilavermaydi. Tolstoyning «Inson nima umidda yashaydi», degan hikoyasida Xudoning farishtadan so‘ragan uchta savoli: «Insonda nima yashaydi?», «Insonga nima berilmagan» va «Inson nima umidda yashaydi?» degan savollarga ma’lumotnoma kitoblarida javob topib bo‘lmaydi. Tolstoyning yana bir hi
