Бұл кітаптың шығуына Манарбек пен Арайлым есімді жас жұбайлар себепкер болды. Олар үйлену тойын жасайтын қаражаттың бір бөлігін «Ер Едіге» жырын басып шығаруға аударды. Өмірлерінің маңызды күнінен осындай мәнді естелік қалдыруды жөн көріпті. Шаңырақтарында Ер Едігедей ұрпақ өсіруді нәсіп етсін. Екі жастың осындай игі ісі өзге жандарға да өнеге болсын!
Әдебиетте мұндай тәжірибе бар. Мысал ретінде Ақселеу Сейдімбектің «Алпамыс жырын» заманға лайықтап шалқыма дәстүрімен қара сөзге түсіруін келтіруге болады. Мұхтар Мағауин «Ер Тарғын» жы-рын қара сөзге айналдырды. Біз де осы шалқыма әдісімен Едіге жырын жаңа тыныста қайта ұсынып отырмыз. Яғни ол ешбір фольклорлық нұсқаны жүз пайыз қайталамайды. Дегенмен оның түпкі мазмұны-на, Алтын Орда дәуіріне тән стилистикасына, Батыр-лар жырына тән рухына, жырдың динамикасына қия-нат жасалған жоқ деп санаймыз
– Биенің қос емшегі болады, соның бірі ауырса екіншісінен де сүт шықпайды. Түйенің екі өркеші болады, соның бірін кесіп алсаң екіншісінің де қуаты болмайды.
Сөйтіп жүріп бір күні түс көреді. Түсінде ғажап іс көреді. Ажары айдай тасыған, жазық маңдай, жәудір көз, бұлттан шыққан ай бетті, мұнардан шыққан күн бетті бір сұлумен жолығыпты
