Өкінішке қарай, біз көбінесе тек қана өзімізге келген адамдардың үйіне барып, біздің жағдайымызды сұраған адамның ғана жағдайын сұраймыз. Ал нағыз силатур-рахм дегеніміз бізге ат ізін салмаған туыс-тарға өзіміз барып, бізбен қатынасын үзгендерімен өзіміз байланыс құрып, осы әдетті әрдайым жалғастыруымыз. Үйімізге келіп-кеткен туыстарға біздің де баруымыз силатур-рахм емес, олардың инабаттылығына әдептілікпен жауап беру деген сөз. Сондықтан хабар-ошарсыз кеткен туыстарымызды өзіміз іздеп, хал-жағдайларын білуіміз, арадағы туысқандық байланысымызды нығайтуымыз керек. Себебі Пайғамбарымыз бізге осыны өсиет еткен.
