Әбу Дәуіт пен Тирмизиде Әбу Һурайрадан (р.а.) келген басқа риуаятта Алла елшісі былай дейді: «Мейірім – тек шақидың (мәңгілік бақытсыздыққа ұшырағанның) жүрегінен шығарылады».362 ТҮСІНДІРМЕ:
Хадис мейірімділік танытудың қаншалықты маңызды екендігін көрсету үшін айтылған. «Мейірімді болғандар» деп сөздің жалпы мағынада айтылуы назар аудартады. Яғни адамдарға немесе мүміндерге немесе ізгілерге немесе пақырларға деген шектеу жоқ. Сондықтан бүкіл жаратылыс атаулыға мейірімді болу айтылып тұр. Яғни жер бетіндегі жақсы-жаман барлық адамдарға, үй-жабайы болсын бүкіл жануарларға деген мейірім, Рахманды, яғни мейірімінің шегі жоқ Алланы разы ететін сипатқа жатады
. (1966) Әбу Сағид (р.а.) былай дейді: «Алла елшісі (с.а.с.) былай деді: «Дүние тәтті және тартымды. Алла Тағала сендерді оған мұрагер етеді және қандай әрекет жасайтындарыңа қарайды. Олай болса дүниеден сақ болыңдар, әйелден де сақ болыңдар! Өйткені Исрайлұлдарының алғашқы бүлігі әйелдің себебінен шыққан».348
Мүслимнің бір риуаятында: «Өзімнен кейін ер адамдар үшін әйел затынан асқан зиянды сынақ (алдап, азғырушы) қалдырмадым».
ТҮСІНДІРМЕ:
Бұл хадисте әйел затынан асқан сынақ жоқ деу арқылы зинадан сақ болу қажеттігі ескертілген. Өйткені зина және ол себеп болатын дау-дамайдың қоғамға тигізер зияны өте үлкен.
Ғалымдар бұл хадистен мынадай тұжырым шығарады: «Алланың жақсы деп үкім берген нәрселерінің барлығы да жақсы. Жаман болмайды. Ал жаман деп үкім еткен нәрселерінің барлығы да жаман, жақсы бола алмайды. Алайда өзіне жақсылық берілген адам сол жақсы дүниені жұмсау кезінде жамандықты алып келетін жағдайға душар болу қаупі бар».
Жамандық ризыққа сыртқы себептерге байланысты туындайды. Мәселен, беру қажет жерде сараңдық танытып бермеу, яки дүниені жұмсаған кезде шариғат тұрғысынан рұқсат жоқ жерлерге жұмсау – дүниенің зиянын алып келеді».
