Ирина БулгаковаДомашние молитвы. На все случаи жизни и на каждый день
Для православного христианина молитва — это непрестанный разговор с Богом, постоянная потребность души. Она необходима нам так же, как воздух и пища. Поэтому важно совершать ее не только в храме, но и дома, в кругу семьи. Ежедневная молитва приносит сердцу покой и утешение. В книге вы найдете необходимые молитвы на каждый день: — утренние и вечерние — до и после принятия пищи — перед началом всякого дела — на благословение детей — о здравии и от болезней — о семье, отце и матери — о защите от врагов и опасностей — о помощи в житейских делах и многие другие.
Молитвы перед выходом из дома Молитва святителя Иоанна Златоуста Отрица́юся тебе́, сатано́, горды́ни твое́я и служе́ния тебе́, и сочета́юся Тебе́, Христе́, во и́мя Отца́, и Сы́на, и Свята́го Ду́ха. Ами́нь (и осенить себя крестным знамением).
Иная молитва Огради́ мя, Го́споди, си́лою Честна́го и Животворя́щаго Твоего́ Креста́ и сохрани́ мя от вся́каго зла.
Го́споди, напра́ви ко бла́гу путь мой.
Го́споди, благослови́ все мои́ вхожде́ния и исхожде́ния (и осенить себя крестным знамением).
Преподо́бне о́тче Амвро́сие, ты, име́я дерзнове́ние пред Го́сподом, умоли́ Великодарови́того Влады́ку пода́ть мне ско́рую по́мощь в борьбе́ с нечи́стой стра́стью.
Го́споди! Моли́твами уго́дника Твоего́, преподо́бного Амвро́сия, очи́сти мои́ уста́, оцелому́дри се́рдце и насы́ти его́ благоуха́нием Ду́ха Твоего́ Свято́го, да отбежи́т от мене́ дале́че зла́я таба́чная страсть, туда́, отку́да пришла́, во чре́во а́дово. Ами́нь. Молитвы об избавлении от страсти сребролюбия
Молитва преподобному Алексию, человеку Божию
Святому Алексию молятся об избавлении от гордыни и тщеславия, от привязанности к мирским благам, от сребролюбия.
О, вели́кий Христо́в уго́дниче, святы́й челове́че Бо́жий Алекси́е, душе́ю на Небеси́ Престо́лу Госпо́дню предстоя́й, на земли́ же да́нною ти свы́ше благода́тию разли́чная соверша́яй чудеса́! При́зри ми́лостивно на предстоя́щия святе́й ико́не твое́й лю́ди, умиле́нно моля́щиеся и прося́щие от тебе́ по́мощи и заступле́ния. Простри́ моли́твенно ко Го́споду Бо́гу честни́и ру́це твои́ и испроси́ нам от Него́ оставле́ние согреше́ний на́ших во́льных и нево́льных, в неду́зех стра́ждущим исцеле́ние, напа́ствуемым заступле́ние, скорбя́щим утеше́ние, бе́дствующим ско́рую по́мощь, всем же чту́щим тя ми́рную и христиа́нскую живота́ кончи́ну и до́брый отве́т на Стра́шнем Суде́ Христо́ве. Ей, свя́тче Бо́жий, не посрами́ упова́ния на́шего, е́же на тя по Бо́зе и Богоро́дице возлага́ем, но бу́ди нам помо́щник и покрови́тель во спасе́ние, да твои́ми моли́твами получи́вше благода́ть и ми́лость от Го́спода, просла́вим человеколю́бие Отца́, и Сы́на, и Свята́го Ду́ха, в Тро́ице сла́вимаго и покланя́емаго Бо́га, и твое́ свято́е заступле́ние ны́не и при́сно и во ве́ки веко́в. Ами́нь. Молитва святого праведного Иоанна Кронштадтского
Сокро́вище на́ше нетле́нное и бога́тство неистощи́мое: да́руй рабу́ Твоему́ сему́, сотворе́нному по о́бразу и подо́бию Твоему́, позна́ть лесть бога́тства, и я́ко вся земля́ – суета́, сень и со́ние, и я́ко Ты еси́ еди́н бога́тство, поко́й и ра́дость на́ша. Молитвы при непрощении обид и злопамятстве, об избавлении от гнева и даровании кротости
Молитва ко Господу
Спаси́телю мой, научи́ меня́ прости́ть от всей души́ всех, кто чем-ли́бо меня́ оби́дел. Я зна́ю, что не мо́гу предста́ть пред Тобо́й с чу́вствами вражды́, кото́рые тая́тся в мое́й душе́. Очерстве́ло мое́ се́рдце! Нет во мне любви́! Помоги́ мне, Го́споди! Молю́ Тебя́, научи́ меня́ прости́ть оби́дящих меня́, как Сам Ты, Бог мой, на Кресте́ прости́л враго́в Твои́х!
Молитва перед принятием пищи О́чи всех на Тя, Го́споди, упова́ют, и Ты дае́ши им пи́щу во благовре́мении, отверза́еши Ты ще́друю ру́ку Твою́ и исполня́еши вся́кое живо́тное благоволе́ния.
Молитва после принятия пищи Благодари́м Тя, Христе́ Бо́же наш, я́ко насы́тил еси́ нас земны́х Твои́х благ; не лиши́ нас и Небе́снаго Твоего́ Ца́рствия, но я́ко посреде́ ученико́в Твои́х прише́л еси́, Спа́се, мир дая́й им, прииди́ к нам и спаси́ нас.
