Бұған қоса ол кісі былай деді: «Түннің алғашқы үштен бірінде аршының астынан мынадай дауыс естіледі: «Құлшылық жасаушылар тұрсын!» Олар ұйқыдан тұрып, шама-шарқынша құлшылықтарын атқарады. Содан соң түннің ортасы болған кезде мынадай дауыс келеді: «Мойынсұнушылар тұрсын!» Олар да оянып, таңға дейін Аллаға құлшылығын жасайды. Сосын таң атар алдында: «Кешірім сұраушылар тұрсын!» деген дауыс шығады. Олар да оянып Алладан кешірім тілейді. Ал таң атып кеткеннен кейін: «Ғапылдар тұрсын!» делінеді. Олар жылы төсектерінен сүйретіліп әрең тұрып келе жатады. Олар құдды қабірден тұрып келе жатқан өліктер іспетті.
Суфян әс-Саури былай дейді: «Алла тағала бір желді жаратқан. Ол жел таң сәріде соғады. Оған жүктелген міндет – сол сәтте айтылған зікірлер мен истиғфарды27 құдіреті күшті Жаратушыға жеткізу».
Пайғамбарымыз бір хадисінде: «Үш түрлі дауысты Алла тағала ұнатады. Олар: әтештің дауысы, Құран оқыған адамның дауысы және таңсәріде Алладан кешірім сұраушы-лардың дауысы»26 деген.
Қалауыңша өмір сүр, бірақ түбінде ғұмырыңның бітетінін біл. Қалағаныңды жақсы көр, бірақ күндердің күнінде онымен қош айтысасың. Қалаған ісіңді жаса, бірақ жасағандарыңа міндетті түрде жауап берерсің.
Кімде-кім ешқандай әрекетсіз, көздеген мақсатына жетемін деп ойласа, онда ол – қиялға ерген адам. Ал кімде-кім бар күш-жігерді сарп етіп, мақсатқа жетуге болады деп ойласа, онда ол өзіне ғана сеніп, Аллаға арқа сүйеуді ұмытқан жан
Аузымыз көпіріп айтқан уағыздарымыз, ауыз толтырып айтқан насихаттарымыздың бәрі бекер-ақ екен. Тек түн ортасында тұрып оқыған екі бас намазымыз ғана олжа екен
