Алла тағалам! Нығметің мен қорғауыңды, мейіріміңе бөленуді сұраймын. Кешіріміңе бөленуді, ешкімге мұқтаж болмайтындай ризық, бақытты ғұмыр беруіңді сұраймын. Бізге көл-көсір жақсылық, жеткілікті нығмет, кеңшілігіңді бере көр!»
«Алла тағалам! Бізден бет бұрма, бізге болыс. Ақтық деміміздің жақсылықпен аяқталуын нәсіп ет. Бізге мол үміт сыйлай көр. Таңымыз бен кешімізді ізгілікке толы ет. Өткеніміз бен келешегімізді мейіріміңе бөлей көр. Өз кеңшілігіңмен біздің күнәларымызды кешір. Айыбымызды жасырып, жақсылыққа айналдыр. Ақиреттік азығымызды тақуалық болуын нәсіп ет. Өзіңе тәуекел еттік һәм арқа сүйедік».
«Алла тағалам! Туралықта табанымызды нық ете көр. Ақиретте сан соқтыратын істерден бізді мына дүниеде қорғай көр. Біздегі ауыртпалықты жеңілдетіп, ізгі жандардың қатарында ғұмыр кешуімізді нәсіп ет. Бізді залымдардың зұлым-дығынан құтқар. Туған-туыстарымыз бен ұлағатты ұстаздарымызды тозақ отынан сақта. Я, Азиз! Я, Ғаффар! Я, Карим! Я, Сәттар! Я, Халим! Я, Жәббар! Я, Алла... Я, Алла... Я, Алла... Я, Алла... Я, Рахим! Я, Рахим! Уа, мейірімділердің мейірімдісі! Өзінен бұрын еш нәрсе болмаған ұлы Жаратушы! Өзінен кейін еш нәрсе болмайтын ұлы Жаратушы! Уа, құдірет иесі! Уа, міскіндердің қамқоршысы! Уа, мейірімділердің мейірімдісі! Сенен басқа тәңір жоқ. Сен кемшілік атаулыдан пәксің. Мен жаза басып өзіме зұлымдық жасадым».
1
