Цитаты из книги автора Наполеон Хилл Байлыққа бастар жол ойдан басталады

Адам қанша ақылды әрі білімді болса да, практикалық, нәтиже беретін жоспары болмаса, еш салада табысқа жетпейді.

• Жетер жетістігіңіз жоспарыңызға сай болмақ.

• Миллиондаған адам кедейліктен көз ашпайды, өйткені табысқа жетелер нақты жоспары жоқ.

Бірінші. Өмірімде алдыма қойған нақты мақсатым бар, соған жету үшін тынбай алға ұмтылып, үздіксіз әрекет етемін. Осы күннен бастап сол бағытымнан таймаймын деп уәде беремін.
Екінші. Үнемі миыма келетін ойлардың түптің түбінде орындалып, физикалық сипат алатынын, материалдық затқа айналатынын түсінемін, сондықтан күніне 30 минут уақытымды бөліп, өзімді болашақта қандай күйде көргім келетінін елестетемін. Осылайша ақыл-ойымда өзім қалаған адамның нақты бейнесін жасаймын.
Үшінші. Өзін-өзі иландыру принципі арқасында үнемі ойымда жүрген қалауым мақсатыма жеткізу үшін нақты іс-қимылға ұласатынын білемін, сондықтан күніне 10 минут уақыт бөліп, өзімді сендіруді жетілдіруге күш саламын.
Төртінші. Өмірдегі басты мақсатымды айқындап, жазып қойдым. Енді соған бастайтын сенімім жеткілікті болғанша тоқтамаймын.
Бесінші. Шындық пен әділдікті ту етпеген байлық пен мансаптың ғұмыры ұзаққа бармайтынын білемін, сондықтан істес болған адамдардың ешбіріне пайда әкелмейтін іске араласпаймын. Айналысқан ісімнің бәріне игі күштерді тартамын, ізгі ниетті жандармен жұмыс істеймін.

Сенім деген «химиялық элементке» дұға қосылғанда, Құдаймен тікелей байланысқа түсесіз.

Істеген ісі үшін емес, білімі үшін ақы төлейді деп үміттену. Әлемнің қай бөлігінде болса да адамға білімі үшін емес, сол білімін пайдаланып атқарған жұмысы үшін ақы төлейді.

Толық жетілген, айқын жоспардың болуы. Табысты көшбасшылар жұмысын жоспарлап, сол жоспарды ұстанады. Алдын ала жоспар жасамай, ретсіз, жүйесіз әрекет ететін басшылар бағытын білмей жүзіп бара жатқан кеме сияқты. Ерте ме, кеш пе, ондай кеме жартасқа соғылады.

Өз сезімін, эмоциясын бақылай алу. Өзін ұстай алмайтын, эмоцияға ерік беріп қоятын адам басқаларды да басқара алмайды. Өзіңізді керек кезде тежеп, ақылмен әрекет етсеңіз, артыңыздан ерген жандар сізді үлгі тұтып, еліктейді.

Генри Форд өзгелерден ақылы асқаннан емес, жақсы жоспар құрып, соны мүлтіксіз ұстанғаны үшін елден озған дәулетті адам болды.

Сенім — ойға түрткі беретін, оны жандандырып, іске итермелейтін мәңгілік қуат көзі!

Ақша жинай алмай жүрген жандардың көпшілігі — басқалардың ықпалына тез түсетін, өзгенің пікіріне тәуелді адамдар. Олар газет-журналдар мен «өсекке жақын» көршілердің өздері үшін ойлануына ерік беріп қойған. Пікір деген — жер бетіндегі ең арзан тауар

Сырт келбетінің тартымдылығы. Алқам-салқам киінген, салдыр-салақ адамнан басшы шықпайды. Сырт келбетіне, күтіміне мән бермейтін, абыройын ойламайтын адамды басқалар да сыйламайды.