Все права защищены. Данная электронная книга предназначена исключительно для частного использования в личных (некоммерческих) целях. Электронная книга, ее части, фрагменты и элементы, включая текст, изображения и иное, не подлежат копированию и любому другому использованию без разрешения правообладателя. В частности, запрещено такое использование, в результате которого электронная книга, ее часть, фрагмент или элемент станут доступными ограниченному или неопределенному кругу лиц, в том числе посредством сети интернет, независимо от того, будет предоставляться доступ за плату или безвозмездно.

Копирование, воспроизведение и иное использование электронной книги, ее частей, фрагментов и элементов, выходящее за пределы частного использования в личных (некоммерческих) целях, без согласия правообладателя является незаконным и влечет уголовную, административную и гражданскую ответственность.

АЛҒЫСӨЗ

«Ақыл қабылдап, иланса, адамның қолы жетпес арман болмайды»

Табыс формуласын осындай бір сөйлемге сыйғызуға болады. Бір қарағанда ол тым қарапайым: екінің бірі жүзеге асыра алатын сияқты. Алайда ол адамнан ерен ерік-жігерді талап етеді, сондықтан мыңнан біреудің ғана қолынан келеді, оның өзі толықтай үдесінен шығады деу екіталай.

Табыс философиясы осы формулаға сүйенеді, сол арқылы адамның тілегі мен қалауы көзге көрінетін затқа айналып, ойдың физикалық пішінге енгенін көре аласыз. Осы жалғыз қағиданы ұстанған әлемнің ең бай әрі табысты тұлғалары (ақша, қарым-қатынас, билік, жан-дүниесінің тыныштығы, әлеуметтік жағдайы — барлық жағынан бай) жетістікке жетіп, әл-ауқатын арттыра алды.

Наполеон Хиллдің «Табысты болу ғылымы» бағдарламасы да осы қағидаға сүйенеді. Бұл бағдарлама Ұлы дағдарыстан шығуға көмектесті, миллионерлер мен мәдени қайраткерлердің, ақыл-ой көшбасшыларының қалыптасуына ықпал еткен үлкен қозғаушы күшке айналды.

Хилл 1883 жылы АҚШ-тың Вирджиния штатының Уайз округіндегі Паунд өзені жағасындағы лашықта дүниеге келді. Он үш жасында шағын қаладағы газетке тілші болып орналасып, тау-кен жайлы жаза бастады. 1908 жылы АҚШ-қа танымал журналда істеп жүрген жас маманды болат өндіретін магнат Эндрю Карнегиден1 сұхбат алуға жібереді. Сұхбат кезінде Карнеги миллиондаған доллар табуға көмектескен құпияның шетін шығарады, адам ақылымен жетуге болатын сиқырлы заңдылық бар екенін ашады. Көпшілік біле бермейтін психологиялық әдісті қолданған кез келген жан таңғаларлық табысқа жетеді екен.

Сиқырлы формуланы түсіну елдің бәрінің қолынан келе бермейтінін, көп адамның уақыты немесе ресурсы жетпейтінін ескерген Карнеги Хиллге сол құпияны ашуды тапсырады. Әр адамның табысқа жету философиясын анықтауға жиырма жылдан астам өмірін сарп етуі қажет екенін ескертеді.

Зерттеу жұмысы үшін Хиллге ешкім ақы төлемейді, бірақ Карнеги оны Американың ең танымал кәсіпкерлерімен таныстырып, табыс формуласы жайлы қағидасын соларға сынап көреді.

1937 жылы Наполеон Хилл «Байлыққа бастар жол» кітабын жариялады. Отыз жылға жуық зерттеу жұмысының нәтижесін қамтыған еңбекте «Табысты болу ғылымының» негізгі 13 принципі баяндалды.

Кітап шыққаннан бері бүкіл әлемде жүздеген миллион данамен сатылды. Жеке тұлғаның дамуы жайлы баяндайтын ешбір шығарма Наполеон Хиллдің «Байлыққа бастар жол» кітабы сияқты ықпалға ие болған емес.

* * *

Бұл кітап Хиллдің 1937 жылы жарық көрген «Ойлан да байы» атты түпнұсқа еңбегінің синопсисі2. Мұнда кітапта жан-жақты баяндалған принциптер, нұсқаулықтар мен мысалдардың ең негізгі, қажеттісі ғана қамтылды; сондықтан уақыты тығыз, жұмысбасты заманауи адам Хилл баяндаған даналық дәнегінің өзегінен нәр алады.

Даналық қағидасын толық сіңіру үшін күніне бір тараудан артық оқымаңыз. Тарауда айтылған ой мен идеяны қорыту үшін уақыт пен кеңістік керек, әр пікірді өз ақылыңызға салып саралап, әбден сіңіріңіз.

Кітапта айтылған идеяларды тезірек жүзеге асыру үшін пікірлес жандар тапқан абзал, кітап немесе оқырмандар клубын құрсаңыз, бір-біріңізге шабыт беріп, табысқа жету жолы қысқарады. Қай әдісті қолдансаңыз да, кітапта баяндалған әдістерді өмірде пайдалана бастағанда жеке тұлға ретінде өсіп, арманыңызға күн санап жақындап келе жатқаныңызды байқайсыз.

Кіріспе

Ой = зат

Бұл кітап ақыл-ойыңызды бір арнаға бағыттап, арманыңыз бен қалауыңызға жеткізуді көздейді. Қазіргі қаржылық жағдайыңыз, араласып жүрген ортаңыз бен карьерадағы жетістігіңізді басқа сатыға көтеруге көмектеседі. Тиімділігі тәжірибе жүзінде дәлелденген 13 принципті (қадамды) қолдану арқылы жетістікке жеткізетін құралға ие боласыз. Адам баласы бағындырмайтын белес жоқ, ешқашан өзіңізді шектемеңіз! Соның бәрі ең қарапайым нәрсе — ойдан басталады.

Шынымен де, «ойдың өзі — зат», жай зат емес, бай болсам (және басқа да материалды игілікті көздегенде) деген ұмтылыс жолында мақсат пен табандылық қосылғанда ешкім қарсы тұра алмайтын қуатты күш.

Сөзіміздің растығына Эдвин С. Барнстың3 басынан өткен жағдай дәлел бола алады. Адам ойынан өткен қуатты қару жоғына көз жеткізесіз. Өмірлік мақсатын ең алдымен ойында пісірген Барнс кейін танымал әрі дәулетті тұлғаға айналды.

Барнс ойдың күшімен баюдың мүмкін екеніне көз жеткізді. Әлбетте, бұл тұжырым бір күннің ішінде қалыптасқан жоқ. Әу бастан ұлы өнертапқыш Томас Эдисонға4 серіктес болсам деп армандады, сол арманы күнде мазалап, тыным бермеді. Барнстың бұл ойы арасында бір қиялдап қоя салатын арман емес, нақты жоспар еді. Ол Эдисонға қызмет етсем деп емес, Эдисонмен бірге жұмыс істесем деп армандады.

Бір күні ол Эдисон мырзаның шеберханасына барып, онымен серіктес болуға ниетті екенін жеткізді. Әйгілі өнертапқыш оны түріне қарап бағаласа, ешқашан жұмысқа алмас еді. Бірақ іштегі жалын — ойы көзінен көрініп тұрды, сондықтан Эдисонның командасына қосылды.

Уақыт өтіп жатты, Барнс мақсатына бір мысқал да жақындамады. Алайда ол айнымады, ақыл-ойында маңызды өзгерістер болып жатты. Қайткен күнде де Эдисонның бизнес серіктесі болам деген тілегі күшейе түсті. «Сіз әлдебір өзгеріске дайын болғанда ол сырт келбетіңізден көрініп тұрады» деп психологтар бекер айтпайды. Барнс Эдисонмен бизнес серіктес болуға іштей дайын болды, дұрысы, сол сәт туғанда дайындығы сай болуына күш салды.

Күндердің бір күні оның арманы шындыққа айналды, Эдисон мен Барнс отыз жылдан астам уақыт бойы серіктес болды. Барнс дәулетті жандардың қатарына қосылды, одан да маңыздысы: адамның ойы оның баюына ықпал ететінін дәлелдеді.

Барнстың бастапқы қалауын қаржыға шаққанда қанша табыс әкелгенін білмейміз. Бәлкім, 2 не 3 миллион доллар тапқан болар, сомасы қанша болса да маңызды емес, ойдың арқасында материалдық құндылыққа жетуге болады деген қағида маңызды.

Табысқа жету үшін бір ойға нық беку жеткілікті. Кітапта табыс әкелетін ой мен идеяның ең озығын, тәжірибе жүзінде іске асқанын жинақтап, танымал тұлғалардың принциптері деп бердік.

Осы принциптермен таныспас бұрын мынаны біліп алыңыз: Байлық шөл далаға кенет жауған жаңбыр сияқты құйылғанда, сонша жыл зарықтырып қайда болды екен деп таңданасыз. Расында, бұл таңғаларлық мәлімдеме екенін білемін, өйткені біз үнемі «ауыр еңбектен көз ашпай, күнұзақ жұмыс істегендер ғана байлыққа кенеледі» дегенді естіп өстік.

Байлық ойдан басталады

Ойдың өзі байлыққа жеткізетін құрал екеніне көзіңіз жеткенде баю үшін таңнан кешке дейін бел жазбай еңбектену міндет еместігін, нақты мақсат пен саналы ақылға сүйену қажеттігін түсінесіз. Байлық шақыратындай етіп ойлану сатысына жетудің өз әдісі бар. Мен соны анықтау үшін 25 жыл өмірімді сарп еттім, 25 мыңнан астам адаммен сұхбаттастым, осылайша дәулет