Әбул-Ас Меккеге тек Құрайыштықтардың керуенін жеткізу үшін ғана келген болатын. Көп ұзамай Мәдинаға көшіп кетті. Мәдинаға жетісімен тездете мешітке кіріп, Алла елшісінің (саллаллаһу аләйһи уә сәлләм) алдында тағы да тілін кәлимаға келтірді.
Оның келгеніне қуанған пайғамбарымыз қызы Зейнепті шақыртып, бұрынғы некені жарамды санап, екеуін қайта қосты69.
69 Ямани, сонда. 157.
Бірақ бұл неке де ұзаққа бармады. Көп өтпей Һижраның сегізінші жылы басталғанда, хазірет Зейнеп те анасы Хадишаның (р.а.) артынан бақиға аттанып кете барды. Арадан төрт жыл өткен соң Әбул-Ас та дүние салды.
Олардың артында Әли атты ұлдары мен Умама есімді қызы қалады. Умама әркез мешітте келіп, пайғамбарымызбен ойнағысы келетін. Жас бүлдіршін тіптен атасының арқасына асылып, мойнына шығып алатын.
