Балаларға арналған кітаптар: блогерлер таңдауы

Перизат Мырзахмет @perizatmyrzakhmet

Баланың ойлау жүйесі мен қиялы үшін таптырмас оқиға. Баяндау тілі баланың жасына сай. Сюжеті жеңіл. Бірақ баланы тез үйіріп әкете алады. Бас кейіпкер балалардың ойлау стилі тартымды.

Перизат:

Топтама ішінде әр түрлі қызық дерек бар: табиғат, космос, адам туралы. Соларды бірге оқып, оқып болған соң білім тексеретін викторина ұйымдастырып, уақытты қызықты да пайдалы өткізуге болады.

Перизат:

Баланың көңіл көкжиегін кеңітуге таптырмас құрал. Баламмен бірге оқып, өзімнің балалық шағымнан таныс ертегілерді кездестіргенде ерекше сезімге бөледі.

Перизат:

Ерекше көңілімнен шыққан кітап. Жан-жануар, жәндіктерге қатысты түрлі қиссаларды бір жерге тоғыстырған. Нағыз табиғаттың ортасында жүргендей әсер аласың. Ішіндегі суреттегі сондай жанды, тартымды. Балаларға бірден ұнайтыны анық.

Сая Оразғалиева @saya_orazgaliyeva

Бұл кітап — өзімен-өзі арпалысып жүрген, өзгелерден ерекшеленетін Буш есімді қыз туралы. Әдеттегі «тәртіпті қыз» бейнесіне сай келмейтін мінезі, шашылған шашы, ұлдармен достығы, бәрі оны оқырманға ерекше қызық әрі шынайы етіп көрсетеді. Күнделік арқылы өз-өзімен жұмыс істеуі — балалар үшін үлкен мотивация.

Сая:

Бұл танымдық квест түріндегі кітап кішкентай оқырманды қызықтырып, оларды оқуға баулиды. Жоғалған пілді іздеу жай ғана оқиға емес — бұл достық, өзара көмек пен түсіністік туралы терең ой саларлық әңгіме. Кітап балаға ізденіс пен мейірімділік қасиеттерін үйретеді.

Сая:

Отбасындағы бала қызғанышы өте өзекті тақырып. Бұл кітап сол сезімді түсінуге және жеңуге көмектеседі. Баланы бауырмал, мейірімді болуға тәрбиелей отырып, ата-аналарға да ақыл-кеңес береді. Қарапайым тілмен жазылған бұл туынды — отбасы ішіндегі сүйіспеншілікті нығайтатын нағыз құрал.
Бұл кітаптар балаларға өмірді, эмоцияны, достық пен отбасылық құндылықтарды түсінуге көмектеседі. Әрқайсысы өзінше ерекше, әрі шынайы. Мен үшін маңыздысы кітап оқуға деген махаббатты балаға кішкентай кезінен сіңіру. Ал бұндай кітаптар осы жолда таптырмас көмекші.

Серікжан Тлеулесов @superpapa_serik

Кітап оқу менің өмірімде үлкен рөл атқарды. Біз анаммен бірге тұрдық, ескі теледидар ғана болды, онда қызықты ештеңе көрсетілмейтін. Дәл сол кезде кітаптар менің ең жақсы достарыма айналды.
Бала кезімде менде тек 10 кітап болды, мен оларды асыл қазына сияқты сақтайтынмын. Ең сүйікті кітабым Тарзан туралы — ол батылдық, ержүректік және қолдау туралы. Мен оны жүз рет оқыған шығармын. Әпкем мен үшін ең жақсы сыйлық кітап екенін әрқашан білетін. Сол себепті менің әр туған күнімде маған кітаптар сыйлайтын.