Дұшпаныңмен егесуге дос керек,
Ақылдасып-кеңесуге дос керек,
Қадіріңді білмейтұғын тірлікте,
Ағайынмен теңесуге дос керек.
Зәбір көріп қамыққанда дос керек,
Табаныңнан тайдырғанда дос керек,
Қорлық көріп қаумалаған көп иттен,
Ми шайқалып қайғырғанда дос керек.
Жапырақты жаярыңда дос керек,
Өміріңнің баянында дос керек,
Бақұлдасып қалу үшін армансыз,
Ғұмырыңның аяғында дос керек.
Дос болам десең
·
Елмұрат Ораз
