Досқа берілгендіктің, достық қатынасты үзбеудің бірден-бір жолы – шынайы болу. Сол қасиетті өз бойымызға сіңірудің жолдары қандай? Енді соған назар аударайық.
1. Өміріңіздегі бүкіл достарыңыздың тізімін жасаңыз. Қанша досыңыз бар екенін тізіп шығыңыз.
2. Енді осы тізімдегі есімдерді былай бөліңіз: бала кездегі досым, мектептегі досым, университеттегі досым т.б. Сол тізімге қарай әрекет жасаңыз.
3. Ол достарыңның өміріндегі ерекше күндерді еске түсір. Мысалы, туған күн, жетістікке жеткен күні секілді. Адамдар қашанда өзіне көңіл аударғанды жақсы көреді. Олардың өзіне ғана тән ерекшеліктерін еске түсіріп құттықтаңыз.
4. Күтпеген жағдайда хабарласыңыз. Ісің түскенде ғана хабарласып, іздейтін достың халі бірден белгілі болады. Сондықтан ол күтпеген тосын сый жасаңыз.
5. Күнде бір адаммен хабарласып тұруға әдеттеніңіз. Хат-хабар жолдап тұруға тырысыңыз.
6. Әрдайым кездесуге асығыңыз. Алыста болсаңыз да іздеп, кейде соны көру үшін барыңыз.
7. Сыйлық беруді ұмытпаңыз. Сыйлық адамдарды жақындатады, өзара достықты арттырады. Сүйген адамыңызға, досыңызға сыйлық беруді әдетке айналдырыңыз. Сыйлықтың бағалы болуы маңызды емес, шағын болса да шын жүректен болса жетіп жатыр.
8. Досыңның жасаған жақсылығын ұмытпа. Қай кезеңде болса да досыңның титтей де болса жасаған жақсылығын ұмытпай есте сақта. Ол – достықты нығайтудың кепілі.
