Әлгі, көздері жарқыраған сергек мақұлықтар түтіндей бықсыған етегімен басының айналасында айналып қалды. Саймонның денесі құм үстінде сәл-пәл көтеріліп, аузынан көпіршіген ауа тарс етіп шықты. Содан кейін дене жеңіл тербеліп, сумен бірге сырғи берді.
Әлемнің қараңғы бөлігінің сонау бір сыртында ай мен күн болған; Солардың тартылыс күшімен судың үлпек қабығы ауа шарының бір бүйірінен жеңіл ғана қампиып шықты. Тасыған су аралға қарай жылжып, көтеріле түсті. Баяу, жарқыраған жаратындылардың шашағына оранып, сол — мәңгілік шоқ жұлдыздардың аясында Саймонның өлі денесі ашық теңізге ағып шықты.
Шыбындар әміршісі
·
Уильям Голдинг
