Ережелерсіз әлемде қаншалықты алысқа баруға болады?
Уильям Голдингтің ≪Шыбындар әміршісі≫ шығармасы 1954 жылы жарық көрді. Жасөспірім балалар әуе апатына ұшырап, тіршіліктен тыс қалған аралға тап болады. Балалар алғашында үлкендерше тәртіп орнатып, өз бетінше өмір сүрмек болды, алайда бұл тәртіп ұзаққа бармайды. Балалардың арасында билік үшін күрес басталады. Джек балаларды өзіне бағындырғысы келеді, ал Ральф пен Томпақ торай белгіленген тәртіптің не үшін қажет екенін дәлелдей алмай қиналады. Оқиға шиеленісе түскенде балалар Саймонды, Томпақ торайды еш аяушылық сезімсіз, қатыгездікпен өлтіреді. Осы шығармасы туралы жазушы: ≪Шыбындар әміршісін≫ мен соғыстан кейін жазуым тиіс болды, қасіретті соғысты басынан кешкен адам қатыгездіктен жерінер еді, дегенмен шығарманың негізгі түйіні де сол≫, — деп жазады. Кітап көпшілік оқырман қауымға арналады.
Дәйексөздер31
— Сендер сияқты боянып алған қара жүзді банды болған жақсы ма, әлде Ральф сияқты парасатты адам болған жақсы ма? — деді ол.
— Біздің жалғыз ғана үмітіміз — күн жарықта белгіні ұстап отыру. Сол кезде кеме түтінді көреді, осында келіп, бізді құтқарып алады. Ал бұл түтін болмаса, бізге кездейсоқ қандай кеме өтеді деп күтіп отыруға ғана тура келеді. Солай тіпті көп жыл күтуіміз мүмкін. Тіпті сол күйімізше қартаюымыз мүмкін...
Сен, деймін оған, әрине, менен күштісің, сенің демікпе сияқты ауруың жоқ. Және мен сияқты емес, сен көзіңмен дүниенің бәрін көресің деймін. Бірақ мен сенен көзәйнегімді ғана қайтар деп сұраймын, бірақ қайтара көрші деп жалынбаймын. Тіпті адам сияқты болсаңшы деп айтпаймын да. Өйткені сен күштісің бе, әлсізсің бе — мәселе онда емес, ең бастысы — адалдықта. Ал адалдықтың аты — адалдық. Олай болса, қайтар менің көзәйнегімді, сен қайтаруға міндеттісің деймін!
