Тура жолда болу
فَاسْتَقِمْ كَمَا اُمِرْتَ وَمَنْ تَابَ مَعَكَ وَلَا تَطْغَوْا إِنَّهُ بِمَا تَعْمَلُونَ بَصِيرٌ
«(Уа, Мұхаммед): Алла тағаланың саған бұйырғанын-дай әрдайым тура жолда бол және сенімен бірге тәубе еткендер де тура жолда болсын. Шектен шықпаңдар. Расында, Алла не істеп, не қойып жатқандарыңды көріп бақылауда» («Һуд» сүресі, 112-аят).
إِنَّ الَّذِينَ قَالُوا رَبُّنَا اللّٰهُ ثُمَّ اسْتَقَامُوا فَلَا خَوْفٌ عَلَيْهِمْ وَلَا هُمْ يَحْزَنُونَ اُولٓئِكَ اَصْحَابُ الْجَنَّةِ خَالِدِينَ فِيهَا جَزَآءً بِمَا كاَنُوا يَعْمَلُونَ
«Алланы Раббымыз деп біліп, содан кейін тура жолға түскендер үшін (қиямет күні) ешқандай қорқыныш жоқ, әрі олар зәредей де қайғы-қасірет шекпейді. Олар жасаған ізгі істерінің қарымы ретінде жұмақта мәңгі-бақи қалады» («Ахқаф» сүресі, 13-14-аяттар).
- 64 -
عَنْ سُفْيَانَ بْنِ عَبْدِ اللّٰهِ رَضِىَ اللَّهُ عَنْهُ قَالَ: قُلْتُ: يَا رَسُولَ اللّٰهِ قُلْ لِي فِي الْإِسْلَامِ قَوْلاً لَا أَسْأَلُ عَنْهُ أَحَدًا غَيْرَكَ. قَالَ: «قُلْ آمَنْتُ بِاللّٰهِ ثُمَّ اسْتَقِمْ»
Суфиян ибн Абдуллаһ (р.а.):
«Бірде мен: «Уа, Алланың елшісі! Маған Ислам жайлы сізден кейін ешкімнен сұрамайтындай бір ауыз өсиет айтуыңызды өтінемін»,19 – дедім. Сонда Пайғамбарымыз (саллаллаһу аләйһи уә сәлләм): «Бір Аллаға иман келтірдім», – деп айт. Содан соң хақ жолдан ауытқымай, әрдайым туралықты ұстан», – деді», – деген. (Мүслим, иман 62).
19 Яғни, маған қысқаша Исламның мән-мәнісін түсіндіріп беруіңізді сұраймын.
- 65 -
عَنْ أَبِي هُرَيْرَةَ رَضِىَ اللَّهُ عَنْهُ قَالَ قَالَ رَسُولُ اللّٰهِ صَلَّى اللَّهُ عَلَيْهِ وَسَلَّمَ: «قَارِبُوا وَسَدِّدُوا وَاعْلَمُوا أَنَّهُ لَنْ يَنْجُوَ أَحَدٌ مِنْكُمْ بِعَمَلِهِ» قَالُوا: وَلَا أَنْتَ يَا رَسُولَ اللّٰهِ؟ قَالَ: «وَلَا أَنَا إِلَّا أَنْ يَتَغَمَّدَنِيَ اللّٰهُ بِرَحْمَةٍ مِنْهُ وَفَضْلٍ»
Әбу Һурайра (р.а.):
«Пайғамбарымыз (саллаллаһу аләйһи уә сәлләм): «Әрбір істе орта жол мен туралықты ұстаныңдар. Біліп қойыңдар! Ешбірің (игі) істеріңмен ғана құтыла алмайсыңдар», – дегенде, сахабалары: «Уа, Алланың елшісі! Сіз де құтыла алмайсыз ба?» – деп сұрады. Сонда ардақты Пайғамбарымыз (саллаллаһу аләйһи уә сәлләм) оларға: «Егер Алла тағала мені Өзінің жарылқауы мен шексіз рақымына бөлемесе, мен де құтыла алмаймын», – деп жауап берді», – деген (Мүслим, сифатул-мунафиқин 76).
Кіру не тіркелу пікір қалдыру үшін