Адамның рухани болмысын көрмеудің түп төркінін қайдан тарқатуға болады? Мұндай кезде діни танымға сүйенген пайдалы. Діни мәтіндерде бұл құбылысты мынадай қиссамен баяндаған. Тәңірі тағала өзіне орынбасар етіп Адам атаны жаратады. Бүкіл періште ілім сайысында Адам атадан жеңіліп, оған тағзым етіп, сәжде жасайды. Бірақ Әзәзіл: «Ол борсыған балшықтан, мен алаулаған оттан жаралдым. Мен одан артықпын», – деп қасарысып тұрып алады. Яғни адамның рухани болмысын көрмейді, көрмеген түр танытады. Осылайша Ібіліс ең алғашқы редукционист болды. Рухтың кереметін қасақана көрмеу, оны мойындамау, оны надандықпен тұншықтыру Ібіліске тән сипат деген әңгіме осыдан қалған.
СҰРАҚ
Балалықтан даналыққа
·
Сейілбек Мырзабай
