Расулалла (с.а.с.) мұсылманды да, мұсылман еместерді де үнемі зиярат ететін295. Науқасты зиярат етіп отыру – әрбір мұсылманның міндеті. Өйткені Расулалла (с.а.с.) мұсылмандарға бір дененің түрлі мүшелері секілді бір-бірімен тығыз байланысты деп қарап: «Сүйіспеншілікте, қайырымдылық пен жақсылықта мұсылмандарды бір дене деп есептеңдер. Дене мүшесінің бірі ауырса, қалған дене мүшелері де сыздап сала береді емес пе?!»296 – деген.
Расулалла (с.а.с.) бір мұсылманның екінші бір мұсылманда болатын бес ақысы жайлы былай дейді: «Онымен кездескенде сәлемдес; сені қонаққа шақырса, бар; сенен ақыл-кеңес сұраса, барынша көмек бер; түшкіріп «әлхамду лиллаһ» десе, «ярхамукаллаһ» деп айт; науқастанып қалғанда зиярат ет; қайтыс болғанда жаназасына қатыс»297.
Кіру не тіркелу пікір қалдыру үшін