Мұсылман адамның өмір сүрудегі басты ниеті мен мақсатына қысқаша тоқталар болсақ. Ол – рухани және жауапкершілігі жағынан ең мәртебелі әрі қабілетті болып жаратылған адамның өз әлсіздігін, кемшіліктерін, мұқтаждығын сезініп, Жаратушы Алланың құзырында тұрып, ұлылығын мойындау. Нәпсіні тәрбиелеп, құлшылық міндетін орындап, болашақ ұрпақтың һидаяты жолында аянбай еңбек қылу. Айналамыздағылар мен мемлекеттің тыныштығы үшін жанқиярлық таныту. Қолда бар материалдық-рухани мүмкіншіліктерін арттырып, сол арқылы дүниелік әрі ақыреттік бақытқа жол жеткізе білу.
Өмір сүрудің мақсаты – дінге, иманға, Құранға қызмет қылу. Бұл мақсат жүзеге аспаса, өмір сүрудің не керегі бар?! Сағд ибн Мұғаз (р.а.) жан тапсырмас бұрын, қан-тер ішінде жатып, былай жалбарынған: «Уа, Алла Тағалам. Бұдан былай меккелік мүшріктер Расулаллаға қайта соғыс ашатын болса, жанымды ала көрме. Себебі елшіңе қаскөйлік жасап, өтірікші қылып, Меккеден қуған қауыммен соғысудан ләззат алғанымдай, басқа ештеңеден ләззат алған емеспін. Ал арадағы соғыс-жанжал осымен аяқталса (бейбітшілік орнаса), мені шейіттік мәртебеге жеткізіп, осы бір халіммен жан тапсыруымды нәсіп ет!»96
