Жастарға арналған 30 хадис
Еліміздегі жастардың тәлім-тәрбиесіне тамшыдай болса да үлес қосу мақсатында әзірленген бұл шағын еңбекте Аллаһтың сүйікті елшісі Мұхаммед пайғамбардың (саллаллаһу аләйһи уә сәлләм) жастарға қатысты хадистері іріктелген. Тақырыпқа сай таңдалған әр хадистің мәтіні араб және қазақ тілдерінде беріліп, әр хадиске жеке түсіндірме жазылды. Еңбек рухани асыл мұрадан сусындағысы келетін барша оқырманға, соның ішінде, жастар қауымына арналады.
Пікірлер3
Дәйексөздер75
Бір күні әзірет Омар (р.а.) Мәдина көшелерінің бірінде келе жатып, қойнына бөтелке тығып алған бір жас жігітті кезіктіреді. Әлгі жігіттен: «Қойныңдағы не?» – деп сұрайды. Қапелімде әзірет Омармен ұшырасам деп ойламаған әлгі жігіт қатты қысылғаннан: «Уа, Алла тағала, мені мына кісінің алдында масқара ете көрме! Күнәмді жасыра көр, сөз берем, енді шарап ішпеймін», – деп, ішінен тәубе етіп, жалбарынады. Ақыры тілге келіп: «Уа, мүміндердің әміршісі, қойнымдағы сірке суы», – деп қалай айтқанын өзі де аңдамай қалады. Әзірет Омар оған: «Қане, көрсетші», – деп, қойнындағы бөтелкені алып қарағанда, ішіндегісі шынымен сірке суы болып шығады6. Иә, мейірімі шексіз Алла тағала құлы шын ниетімен тәубе еткендіктен, харам шарапты адал сірке суына қалай айналдырса, күнәға белшесінен батқан күнәһар құлдары күнәлары үшін шынымен өкініп, тәубеге келсе, Алла олардың күнә шарабын құлшылық сіркесіне айналдырары сөзсіз.
Алла өте кешірімді, (әсіресе, тәубе етіп, Өзіне жан-тәнімен бет бұрған құлдарына) ерекше мейірімді»5
Құлым Мені іштей есіне алып, мадақтаса, Мен де оны дәл солай есіме аламын. Егер ол Мені көпшіліктің ортасында есіне алып, мадақтаса, Мен оны одан да қайырлы көпшіліктің12 алдында мақтан тұтамын»,
