Кімде-кім бір игі істі бастап өзгеге үлгі болса, өзінен кейін сол істі істегеннің сауабындай сауап алады.
Жүрегінде шаңның тозаңындай тәкаппар-лық болған адам жаннатқа кіре алмайды.
Кімде-кім ғылым жолына түссе, Алла тағала оған жұмаққа барар жолды жеңілдетеді. Алланың үйлерінің бірінде бас қосып, Құран оқып әрі оны өзара талқылап түсінуге тырысқан қауым жан тыныштығы мен Раббыларының шексіз мейіріміне бөленеді, періштелердің қорғауында болады және Алла тағала құзырындағыларға оларды мақтайды.
(Мүслим)
«لَا حَسَدَ إِلَّا فِي اثْنَتَيْنِ: رَجُلٌ آتَاهُ اللّٰهُ الْقُرْآنَ، فَهُوَ يَقُومُ بِهِ آنَاءَ اللَّيْلِ وَآنَاءَ النَّهَارِ. وَرَجُلٌ آتَاهُ اللّٰهُ مَالًا فَهُوَ يُنْفِقُهُ آنَاءَ اللَّيْلِ وَآنَاءَ النَّهَارِ»
Екі түрлі адамға ғана қызғанышпен қарауға болады: Алла тағаланың қалауымен Құранды толық меңгерген соң, оны күндіз-түні оқып әрі оқығанына амал еткен ғалымға және Алланың берген байлығын күн-түн демей игі жолға жұмсаған атымтай жомартқа.
