Еңбекте адамзаттың асылы, Алланың сүйіктісі Мұхаммед Мұстафа пайғамбарымыздың (с.а.с.) ең таңдаулы 100 хадисі іріктелген. Руханияттың тереңіне тартатын мағынасы зор, тәлімі мол бұл хадистер иман байлығын жоғары қойған барша оқырман қауымға арналған.
Шын мәнінде, Алла тағала сендердің сыртқы дене-бітімдеріңе не түр-тұрпаттарыңа емес, жүректерің мен амалдарыңа қарайды1. 1 Яғни, соған қарап сауапқа бөлейді.
Жатар алдында: «Уа, Алла тағалам! Шексіз мейіріміңді қалап, қаһарыңнан қорқып, өзімді бір Өзіңе бағыштадым. Жүзімді Саған бұрып, күллі ісімді Саған тапсырып, бір Өзіңе арқа сүйедім. Өзіңнен басқа қамқор да, пана да жоқ. Түсірген Кітабыңа және жіберген пайғамбарыңа иман келтірдім» – деп дұға жаса.
