Бұл кітапшада хадистерде ерекше аталып көрсетілген бес сүренің қасиеттері туралы мәлімет және олардың оқылуы мен аудармасы берілді. Кітапша Құран оқуды үйренгісі келген жалпы көпшілікке арналған.
Ибн Мәсғудтан жеткен риуаятта Пайғамбарымыз: «Кім рамазан айының бірінші түнінде нәпіл намазда «фатх» сүресін оқыса, Алла Тағала ол адамды жыл бойы қорғайды», – деген. (Рухул-Баян тәфсирі)
Тағы бір хадисте: «Фатх» сүресін оқыған адамға Хұдайбия ағашының астында Мұхаммедке (саллаллаһу аләйһи уә сәлләм) биат еткен секілді сауап жазылады» - делінген.
