Қолыңыздағы кітапшада сауабы жағынан бес уақыт парыз намаздан кейін тұратын түнгі намаз туралы, оның артықшылығы мен пайдалары жайлы мәлімет берілді. Барша оқырман қауымға арналады.
Құранда зікір сөзі 256 жерде аталып өткен. Зікір сөзі Алланы еске алу, Оны ұмытпау, әрдайым есте ұстау мағыналарын білдіргені секілді «Анкабут» сүресінің 45-аятында «намаз» ал «Хижр» сүресінің 9-аятында «Құран» деген мағынада қолданылған.
Таһажжуд» – араб тіліндегі «һәжәдә» деген сөздің түбірінен шығады. Мұның сөздікте екі түрлі мағынасы бар. Біріншісі, «түнде сергек болу», екіншісі «түнде тұрып намаз оқу».
Алла елшісі (саллаллаһу аләйһи уә сәлләм) түнгі намаз жайлы: «Парыз намаздардан кейінгі ең абзалы – түнгі намаз»6, – деген. Тағы бір хадисінде «Түнгі намазды оқыңдар, ол сендерден бұрынғы ізгі, салихалы құлдардың әдеті. Шындығында, түнгі намаз Аллаға жақындатады, күнәлардан арылтады, ауру-сырқаттардың шипасын беріп, жамандықтан алшақтатады»7, – деген.
