Еңбекте ғайбат айтудың Ислам дініндегі орны туралы сөз болады. Біреуді жамандаудың адамдар арасындағы қатынас пен қоғамға тигізер зияны және оның күнәсі жан-жақты баяндалады. Кітап барша оқырмандарға арналған.
Риуаяттарда Хақ тағаланың әзірет Мұсаға: «Ғайбат еткен адам тәубе етсе, ең соңғы болып жұмаққа кіреді. Егер тәубе етпей, жалғастыратын болса, тозаққа алғашқы болып кіретін адам болады»148
Арлы, намысты адамдар басқалардың сыртынан сөйлемейді. Алда-жалда біреудің бір кемшілігін немесе қателігін көрсе, бұл туралы оның өзіне ескертеді немесе үшінші тұлғаны дәнекер етіп оларға ескерту жасайды. Жолдасының арқасында тұрған шаянды көрген адам оған күлмейді. Қайта дереу айтып, шаянды алып тастауға көмектеседі. Егер жолдасы ала алмаса, жәрдем береді. Шынайы дос пен нағыз мүмін солай жасайды. Жаны ашымастық нағыз жолдастың жасайтын ісі емес.
