Ихия улумид-дин (1-том). Ғибадат бөлімі
Өз заманының ең жоғары ғылыми дәрежесі — «Хужжатул-Ислам» атағын алған көрнекті ғалым, ойшыл, теолог Әбу Мұхаммед әл-Ғазалидің «Ихия улумид-дин» (Дін ғылымдарының жаңғыруы) атты кітабы — ең көлемді әйгілі еңбектерінің бірі. Қолыңыздағы осы кітаптың 1-томында Исламның бес шарты: иман, намаз, ораза, зекет, қажылық сырлары мен мән-маңызы баяндалады. Сондай-ақ, Құран оқу мен құлшылық әдептері қамтылған.
Ислам нәрімен сусындағысы келетін барша оқырманға арналады.
Ислам нәрімен сусындағысы келетін барша оқырманға арналады.
Пікірлер3
Дәйексөздер148
Мысалы, намаз оқып тұрғанда жүрегің намазды ойлап тұрмаған болса, бос тұрмайды, міндетті түрде дүниелік бір нәрсені олап тұрады. Намазды сезініп оқудың бір ғана жолы бар, ол намазға байлану. Ал негізгі ізделініп отырған мақсаттың намазбен байланысты екені анықталмайынша намазға ұмтылу болмайды. Бұл мақсат – ақыреттің жақсы және мәңгі екенін мойындау және намаз соған қол жеткізудің жолы екендігіне иман етіп, растау.
Алла тағала оларға жалғыз, дара екенін білдірді. Алланың серігі, ұқсасы жоқ. Алла – Самад (ешкімге, еш нәрсеге мұқтаж емес, керісінше, күллі жаратылыс Оған мұқтаж). Қарсыласы жоқ. Қай жағынан алып қарасаң да жалғыз. Ешбір ұқсасы жоқ, жалғыз (бастауы жоқ, соңы жоқ) Қадим. Бастауы жоқ мәңгі әзали. Алла тағала мәңгі бар, соңы жоқ. Бақи (Мәңгі-бақи бар) әсте жоқ болып кетпейді. Әууәл (бар екенінің басы жоқ, мәңгі бар) ұлылық сипатымен сипатталады. Заманның соңы мен уақыт аяқталғанда, Ол жоқ болып кетпейді. «Әууәл де Өзі, Ахир де Өзі, Заһир да Өзі, Батин да Өзі. Ол барлық нәрсені лайықты түрде біледі» («Хадид» сүресі, 3).
Алла жауһар (дененің бөлінбес бөлшегі) емес, жисм де (физикалық дене) емес, шегі мен мөлшері жоқ. Денелерге ұқсамайды. Жауһар (дененің бөлінбес бөлшегі) болмағаны
