Дініміздегі ең маңызды парыз — жақсылыққа шақыру мен жамандықтан тыюдың артықшылығы һәм бұларды тәрк етудің зияны туралы, бұл парызды жүзеге асырудың қыр-сырлары мен әдіс-тәсілдері баяндалады.
«Жамандықтан тыятын адамның барлық жағынан күнәсіз болуы шарт па?» Егер бұл шарт делінетін болса, онда бұл үкім ижмағқа қайшы әрі жамандықтан тыюдың есігін жабады. Сол үшін Сағид ибн Жубәйр (р.а.): «Егер жақсылыққа шақырып, жамандықтан тыюды, уағыз-насихат айтуды тек күнәсі жоқ адам ғана атқаратын болса, онда ешкімнің еш нәрсе айтпауы қажет болады», – деген.
