Күнәдан арылудың жолы – тәубе
Қолыңыздағы еңбекте мына бес күндік жалған дүниеде жазатайым жаза басып, пендешілікке ұрынғанда, құлазыған көңілімізге дауа болатын, үзілген үмітімізді жалғайтын тылсым сыр — тәубе жайлы жан-жақты баяндалған.
Кітап барша оқырман қауымға арналады.
Кітап барша оқырман қауымға арналады.
Дәйексөздер93
Әрбір адам қателесуі мүмкін, керек десеңіз, бүкіл ғұмырын адасумен өткізуі де ғажап емес. Десек те, ғұмырлық қателерінің кешіріліп, жақсылықтың ең жоғарғы дәрежесіне қол жеткізу кез келген уақытта және кез келген адамға нәсіп болуы да ғажап емес. Міне, осындай бақытқа қол жеткізудің көп жолының бірі қандай жағдайда болмасын, қиыншылықтарға төтеп беріп, жақсылап дәрет алып, содан соң бар ынты-шынтысымен мешіттің жолын тоздырып, өзін мешіттен басқа жерде болса да, құдды жүрегімен, рухымен әрдайым Алланың үйінде жүргендей сезініп, өмірдің барлық қалтарыстарын нұрландыруға талпынуы керек. Содан соң, міндетті түрде бір намазды оқып бола салысымен, келесі намазға қауышқанша асыққаны абзал. Мұндай әрекеттер әрі қателіктерді жояды, әрі адамды ең жоғарғы кемелдіктің шыңына жетелейді.
Тәубені кешіктіріп, ренжіткен адамдарының кешірімін алмау о дүниеге барғанда, жалған дүниеде жиған сауаптарының жойылуына себеп болады.
Адамдардың мал-мүлкіне көз салушы болма! Ондай жаман қасиет адамдарды қайғыға душар қылып, өзгелерге өкпе-ренішін туғызады. Алла тағаланың берген нығметіне көз жұма қарайтындар бұл дүниеде азапқа толы күн кешетін болады. «Қанағат қарын тойдырады», қанағатсыз адамдар мал-мүлікке ие бола алмайды, – деп ақылын айтқан.
