автордың кітабын онлайн тегін оқу Таңдаулы бес сүре
Таңдаулы бес сүре
Фатх
Рахман
Уақиға
Мүлк
Нәбә
Алматы, 2024
ӘОЖ 28
КБЖ 86.38
Т 19
ҚР Мәдениет және ақпарат министрлігі
Дін істері комитетінің дінтану
сараптамасының оң қорытындысы берілген
Қазақстан мұсылмандары діни басқармасының дінтану
сараптамасының оң қорытындысы берілген
Құрастырған:
Ғалымбек Тобашев
Т 19 Таңдаулы бес сүре. – Алматы: «Таным» баспасы, 2024. – 72 бет.
ISBN 978-601-7926-14-4
Бұл кітапшада хадистерде ерекше аталып көрсетілген бес сүренің қасиеттері туралы мәлімет және олардың оқылуы мен аудармасы берілді.
Кітапша Құран оқуды үйренгісі келген жалпы көпшілікке арналған.
Шартты белгілер мен таңбалар
« аа » – екі «а» дыбысы болып созылып оқылады
« әә » – екі «ә» дыбысы болып созылып оқылады
« ии » – екі «и» дыбысы болып созылып оқылады
« уу » – екі «у» дыбысы болып созылып оқылады
« с » – (ث) сә әрпінің белгісі
« х » – (ح) ха әрпінің белгісі
« з » – (ذ) зәл әрпінің белгісі
« ‘ » – (ع) айн әрпінің белгісі
« д » – (ض) дат әрпінің белгісі
« т » – (ط) та әрпінің белгісі
« ’ » – сукунды һәмзә (ءْ) әрпінің белгісі
ӘОЖ 28
КБЖ 86.38
ISBN 978-601-7926-14-4 © «Таным» баспасы, 2024
«Фатх» сүресі
Мәдина кезеңінде һижри 6-жылы әйгілі Хұдайбия келісімінен кейін түскен. Аят саны – 29. Атауы бірінші аятта өтетін (көптеген жеңістерге жол ашатын ұлы жеңіс) деген мағынаны білдіретін «фатх» сөзінен алынған. Ол – һижри 6-жылы Зилқағда айында жасалған Хұдайбия келісімі. Алла тағала бұл келісімді анық жеңіс ретінде бағалап, оның кейінгі үлкен жеңістерге де жол ашатыны меңзелген. Сүре екіжүзділердің іс-әрекеті, мұсылмандарға уәде етілген жеңістер, ал соңында сахабалар құрған ізгі қоғамның негізгі ерекшеліктері мен артықшылықтары туралы айтылады.
«Фатх» сүресіне қатысты хадистер
Пайғамбарымыз былай деген; «Маған бүгін түнде ерекше бір сүре уахи етілді, ол сүре маған дүниедегі барлық нәрседен абзал». (Бұхари)
Тағы бір хадисте: «Фатх» сүресін оқыған адамға Хұдайбия ағашының астында Мұхаммедке (саллаллаһу аләйһи уә сәлләм) биат еткен секілді сауап жазылады» - делінген. (Үбай ибн Кағбтан)
Ибн Мәсғудтан жеткен риуаятта Пайғамбарымыз: «Кім рамазан айының бірінші түнінде нәпіл намазда «фатх» сүресін оқыса, Алла Тағала ол адамды жыл бойы қорғайды», – деген. (Рухул-Баян тәфсирі)
Әзірет Омар риуаят еткен хадисте Алла елшісі: «Маған осы түні бір сүре түсті, ол сүре маған үстіне Күн сәулесі түсетін барша болмыстан қайырлы», – деген соң, «иннә фәтәхнә ләкә»-ні оқыды»1, – делінген. Басқа кітаптарда риуаят етілген хадисте Пайғамбарымыз «Фатх» сүресінің соңындағы аятты меңзеп: «Осыларды оқып, Алладан игілігі мен берекесін сұраңдар», – деген.
Әзірет Әнәстан жеткен риуаятта «Шүбәсіз, Біз саған (көптеген жеңістердің басы болған) ап-айқын жеңіс нәсіп еттік. Міне, осылайша, Алла сенің өткен һәм келешек күнәларыңды кешіреді, саған берер нығметін тәмамдайды және сені (Өзінің разылығы мен мәңгілік баянды бақытқа жеткізетін) тұп-тура жолға салады» («Фатх», 1-2) аяттары Хұдайбиядан қайтып келе жатқанда Пайғамбарымызға түсті. Аяттағы «ап-айқын жеңіс» – Хұдайбия жеңісі. Аят түскеннен кейін: «Уа, Алланың Елшісі, құтты болсын, берекелі болсын! Алла Тағала саған не беретінін айқындады, бізге не берер екен?» – делінді, сол кезде мына аят түсті: «Мүмін ерлер мен мүмін әйелдерді ішінде мәңгі-бақи мекендейтін, (жайқалған бау-бақшаларының арасынан және зәулім сарайларының) түбінен өзендер ағып жататын жаннат бақшаларына кіргізу әрі олардың күнә-қателіктерін кешу үшін (Алла) олардың жүрегін орнықтырды). Міне, бұл – Алланың құзырындағы елеулі жетістік, орасан зор табыс еді»2.
بِسْمِ ٱللَّهِ ٱلرَّحْمَـٰنِ ٱلرَّحِيمِ
إِنَّا فَتَحْنَا لَكَ فَتْحًا مُبِينًا ﴿١﴾ لِيَغْفِرَ لَكَ اللَّهُ مَا تَقَدَّمَ مِنْ ذَنْبِكَ وَمَا تَأَخَّرَ وَيُتِمَّ نِعْمَتَهُ عَلَيْكَ وَيَهْدِيَكَ صِرَاطًا مُسْتَقِيمًا ﴿٢﴾ وَيَنْصُرَكَ اللَّهُ نَصْرًا عَزِيزًا ﴿٣﴾
هُوَ الَّذِي أَنْزَلَ السَّكِينَةَ فِي قُلُوبِ الْمُ
