автордың кітабын онлайн тегін оқу 100 хадис
100 хадис
Аударып, құрастырған:
Асқар Болатбекұлы
Алматы, 2023
УДК 28
ББК 86.38
Ж 80
ҚР Ақпарат және қоғамдық даму министрлігі
Дін істері комитетінің дінтану
сараптамасының оң қорытындысы берілген
Аударып, құрастырған: Асқар Болатбекұлы
Ж 80 100 хадис. – Алматы: «Таным» баспасы, 2023. – 104 бет.
ISBN 978-601-7271-99-2
Еңбекте адамзаттың асылы, Алланың сүйікті елшісі Мұхаммед Мұстафа пайғамбарымыздың (саллаллаһу аләйһи уә сәлләм) ең таңдаулы 100 хадисі іріктелген. Руханияттың тереңіне тартатын мағынасы зор, тәлімі мол бұл хадистер иман байлығын жоғары қойған барша оқырман қауымға арналған.
УДК 28
ББК 86.38
ISBN 978-601-7271-99-2
© «Таным» баспасы, 2023
Шынайы ықылас пен ниеттің маңыздылығы
«إِنَّ اللّٰهَ لَا يَنْظُرُ إِلٰى أَجْسَامِكُمْ وَلَا إِلٰى صُوَرِكُمْ وَلٰكِنْ يَنْظُرُ إِلٰى قُلُوبِكُمْ وَ أَعْمَالِكُمْ»
Шын мәнінде, Алла тағала сендердің сыртқы дене-бітімдеріңе не түр-тұрпаттарыңа емес, жүректерің мен амалдарыңа қарайды1.
1 Яғни, соған қарап сауапқа бөлейді.
(Мүслим)
«فَمَنْ هَمَّ بِحَسَنَةٍ فَلَمْ يَعْمَلْهَا كَتَبَهَا اللّٰهُ تَبَارَكَ وَتَعَالٰى عِنْدَهُ حَسَنَةً كَامِلَةً وَإِنْ هَمَّ بِهَا فَعَمِلَهَا كَتَبَهَا اللّٰهُ عَشْرَ حَسَنَاتٍ إِلٰى سَبْعِ مِائَةِ ضِعْفٍ إِلٰى أَضْعَافٍ كَثِيرَةٍ»
Кімде-кім жақсылық жасауға ниеттеніп бірақ жасамаса, Хақ тағала оны толық жасалған бір жақсылық есебінде жазады. Егер де жақсылық жасауды ұйғарып, әрі оны жүзеге асырса, Алла тағала сол бір ғана жақсылығы үшін он сауаптан бастап, жеті жүз есеге дейін, тіпті одан да еселеп сауап жазады.
(Бұхари, Мүслим)
«مَنْ هَمَّ بِسَيِّئَةٍ فَلَمْ يَعْمَلْهَا كَتَبَهَا اللّٰهُ عِنْدَهُ حَسَنَةً كَامِلَةً وَ إِنْ هَمَّ بِهَا فَعَمِلَهَا كَتَبَهَا اللّٰهُ سَيِّئَةً وَاحِدَةً»
Кімде-кім қандай да бір жамандық жасауға ниеттеніп, алайда оны жасамаса2, Алла оны Өз құзырында толық жасалған бір жақсылық деп жазады. Ал егер ол ниет етіп ұйғарған жамандығын жасайтын болса, Алла тағала сол жамандықты ғана жазады.
2 Яғни, одан Алла үшін бас тартса.
(Бұхари, Мүслим)
Яғни, соған қарап сауапқа бөлейді.
Яғни, одан Алла үшін бас тартса.
Кімде-кім қандай да бір жамандық жасауға ниеттеніп, алайда оны жасамаса2, Алла оны Өз құзырында толық жасалған бір жақсылық деп жазады. Ал егер ол ниет етіп ұйғарған жамандығын жасайтын болса, Алла тағала сол жамандықты ғана жазады.
Шын мәнінде, Алла тағала сендердің сыртқы дене-бітімдеріңе не түр-тұрпаттарыңа емес, жүректерің мен амалдарыңа қарайды1.
Жомарттық
«مَا مِنْ يَوْمٍ يُصْبِحُ الْعِبَادُ فِيهِ إِلَّا مَلَكَانِ يَنْزِلَانِ، فَيَقُولُ أَحَدُهُمَا: اَللَّهُمَّ أَعْطِ مُنْفِقًا خَلَفًا، وَيَقُولُ الْآخَرُ: اَللَّهُمَّ أَعْطِ مُمْسِكًا تَلَفًا»
Әрбір таң арайлап атып, Алланың құлдары ұйқыдан оянып жатқанда, көктен екі періште түседі. Бірі: «Уа, Алла тағалам! Дүние-мүлкін игі жолға жұмсағанның дүниесінің орнын толтыра көр» – десе, екіншісі: «Уа, Алла тағалам! Жиған-тергенін жұмсамай, тығып отырған сараңды шығынға ұшырат» – деп дұға жасайды.
(Бұхари, Мүслим)
«اَلْيَدُ الْعُلْيَا خَيْرٌ مِنَ الْيَدِ السُّفْلَى وَابْدَأْ بِمَنْ تَعُولُ وَخَيْرُ الصَّدَقَةِ مَا كَانَ عَنْ ظَهْرِ غِنًى وَمَنْ يَسْتَعْفِفْ يُعِفَّهُ اللّٰهُ وَمَنْ يَسْتَغْنِ يُغْنِهِ اللّٰهُ»
Жоғарғы (береген) қол төменгі (алаған) қолдан әлдеқайда қайырлы. Беретініңді алдымен өзің бағып-қағуға міндетті жандарға бер. Садақаның қайырлысы – артылған дүниеден берген садақа. Кімде-кім харамнан тыйылып, арын таза ұстауға тырысса, Алла оны арлы қылады3. Ал кімде-кім қолда
