Үшіншісі сом темірден соғылған. Мемлекеттің жұртқа ортақ заңы. Халық заңға бағынсын. Патшаның жарлығы уәжіп. Заң орындалмаса елде бұлғақ басталып, бүлік шығады. Арты соғысқа ұласады. Билік үшін қан-қасап қырғын басталғанда ешкім дін бағып отырмайды. Сол үшін момындар заңнан аттамауға тырысады. – Егер би-бағландар ар-иманға зарарлы заң шығарып, шариғат деген осы десе ше? Бағына береміз бе? – Олар дімкәс заң шығармас үшін ақылды балаңа бірінші Ар ілімін оқытасың. Ар мен әдепті санаға сіңірмесе имансыз ұрпақ зарарлы заңдарды уәжіп қылып төбеден түсіреді. Сосын өз қолыңды өзің кесе алмайсың. Осыны білген соң ең зейінді ұрпақты тариқатта тәрбиелеп, ел-дің іргетасы етіп қалаймыз. Қоғамның ең ауыр салмағы сопылардың арқасына түсетіні содан. Алланың дидары-нан дәмелі ерлер осы ауыртпалықты көтереді. Есесіне ел-жұрты байтақ отанда берекелі тұрмыс кешеді.
Кіру не тіркелу пікір қалдыру үшін