Логотерапияның негізін салушы Виктор Франкл тағдырды үшке бөлген. 1. Биологиялық тағдыр. Адамның мүгедек боп туылуы.
2. Психологиялық тағдыр. Сан түрлі тәрбиенің әсерімен өзіне мінез жасап алып, сонымен ақталу. Жүріс-тұрысындағы кем-кетікті: «Мінезім осындай. Тәрбием солай. Бір үйдің еркесі боп өскем», – деп өзіне психологиялық тағдыр қа-лыптастырады. Яғни өзгеруге, өзін тәрбиелеуге тырыспау.
3. Әлеуметтік тағдыр. Әлеуметтік тағдыр – «жұрттан ұят болады, жұрт не дейді?» деп өмір сүру. Әлеуметте қа-лыптасқан теріс көзқарастың ықпалынан шыға алмай, мән мағынасыз дәстүрлерді орындай беру. Жұрттан қалмаймыз деп кредит алып келін түсіру, даңғаза той жасау, диплом жуу.
