Періштелер және олардың міндеттері
Жәбірейіл періште – пайғамбарларға уахи мен қасиетті кітаптарды жеткізуші ең үлкен періштелердің бірі.
Микайыл періште – табиғат құбылыстарын (жаңбырдың, қардың жаууы, желдің есуі, жерден егіннің өсіп шығуы т.б.) басқарып, тәртіпке келтіріп тұруға міндеттелген періште.
Исрафил періште – қияметтің орнауы мен адамдардың өлімнен соң қайта тірілуі үшін Сурды (сырнай) үрлеуге жауапты періште.
Әзірейіл періште – дәм-тұзы таусылған адамдардың жанын алуға міндетті періште, сондықтан оны «Мәләкул-мәут» (өлім періштесі) деп атайды.
Мункәр мен Нәкир періштелері – дүниеден озған адамдардан қабір әлемінде есеп алуға міндеттелген періштелер.
Хафаза періштелері. Әрбір адамның бұл дүниеде істеген ісін айна-қатесіз жазып отыратын екі періште болады. Бірі – пенденің (оң жағында) жақсылығын жазса, екіншісі (сол жағындағысы) жамандығын жазады. Оларды «Кирамән катибин» деп те атайды.
Дінімді үйренгім келеді
·
Қанат Сұлтанбекұлы
