Қабылдауыма келген орта жастағы бір келіншек күйеуімен арадағы проблемасын айтып шағымданды.
«Күйеуім екеуміз адам құсап сөйлесе алмаймыз. Ол мені ешқашан түсінбейді. Жұмысын ғана ойлайды. Соңғы кездері ажырассам ба деген ойда жүрмін», – деді.
Кесел көзқарасқа ұрынған адам мәселені шешудің, тығырықтан шығудың жолын іздемейді. Менің мақсатым – пациентті жаңаша ойлауға, мәселеге басқа қырынан қарауға шақыру. Бұл позитивті, психогигиеналық оң көзқарас табуға көмектеседі.
Пациентіме: «Күйеуіңнің жақсы қасиеттерін тізіп жазып кел», – деп тапсырма бердім. Келесі кездесуге дейін кеңінен көсіліп тізім жазып келіпті. Енді соны дауыстап оқыңыз дедім. Ол: «Күйеуім ішімдікке жоламайды, қаңғырмайды, карта ойнамайды, ақшасын беталды шашпайды, балаларды жақсы көреді, олармен ойнайды» – деп бастады да, оқи берді.
Бір кезде: «Қанша дегенмен, осындай күйеуімнің барына қуанып тұрмын. Әрине онымен бірге тұру, түсінісу оңай емес. Дегенмен ол соншалық жаман адам емес екенін түсіндім», – деді.
Кіру не тіркелу пікір қалдыру үшін