автордың кітабын онлайн тегін оқу Mən sadə yolçuyam
Vahid Çəmənli

Кітап туралы Қазір оқып жатыр3 Тегін фрагмент

Шрифты предоставлены компанией «ПараТайп»

Əziz oxucularım!

«Mən sadə yolçuyum» kitabı ilə yenidən görüşünüzə gəlmişəm. Bu kitab ömrümün 63 — cü baharında açan bir çiçəkdir.

Oxuyun, mənim qəlbimin səsini duyun!

Mən sizi sevirəm.

12+

Mən sadə yolçuyam
ÖZÜNÜZÜ SELLƏRİN QOYNUNA ATMAQDAN QORXMAYIN. SELLƏR HƏMİŞƏ AXIB ÜMMANA QOVUŞUR _{Vahid Çəmənli}
1. Ön söz
2. Yol daşı
3. Topa bulud gəzİr başımın üstə
4. Çəkərlər
5. Ədalət Bədİrxanlıya həsr olunur
6. Çəkİləydİ zirvələrİn dumanı
7. Qalıb
8. Olmadı
9. Düşür
10. Deyİr
11. Məhərrəm kİşİ
12. Söhrab Tahİr
13. Gecənİn sonunda sökülməsə dan…
14. Məhəbbət əfsanəsi
15. Gedİr
16. Mənİ
17. Gülə — gülə
18. Vətən, xoşbəxt olsun hər oğlun, qızın…
19. Göy göl
20. Çəmənlİnİn şəhİdİ Zİyəddİn Savalan oğlu İsgəndərov
21. Mən yaxşı bİlİrəm bənövşə nədİ…
22. Heyətdİ
23. Bİlmədİm
24. Hacıdan
25. Yel dəyİrmanı
26. Mən olmuşam
27. Mən sadə yolçuyam
28. Qocayam, deyİrsən
29. Adam
30. Bİrləşərmİ səpələnən bu mİllət?
31. Ay qoca
32. Çıxır
33. Keçdİm
34. LEYLANIN XATİRƏSİNə
35. GƏLİR
36. QALDI
37. GECƏ
38. MƏN HAQQ AŞİQİYƏM
39. NAR ÇİÇƏYİ
40. BABA, MƏNİ BAĞIŞLA
41. BİR SƏBƏB YOX İDİ
42. NƏBATİSAYAĞI 4
43. DEYİL
44. GÖRMƏDİM
45. VAR
46. OLUR
47. YOXDU
48. Vətən oğlu
49. BU SONUNCU TANQODU…
50. DÜŞDÜM
51. GƏLİR
52. TOVUZA GEDƏN DOST
53. GƏLSİN
54. TA HADI MƏNƏ
55. ÇİÇƏK
56. MƏTANƏT
57. EDƏRSƏN
58. Həlimə xanımın xatirəsinə
59. DOSTUM ELDARA
60. Düşdü
61. Düşdü
62. Gəlmİr
63. Qoyma, düz qəddİnİ qəm vura bükə
64. Balasərdİ
65. Oldu
66. Çİngİz Kürdəmİrlİyə
67. Başlayır
68. Oğlum Valehə
69. Bİlləm
70. Dedİ
71. Ana da balaya qıyarmı belə
72. Sevgİnİ
73. Mən…
74. Gözəl
75. Var
  1. Sahlar Qərİblİnİn dİvanİ qıfılbəndİ
76. Çünkİ oldun balıqçı
77. Şahsənəm
78. Şahlar Qərİblİnİn «Gəzər» rədİflİ dİvanİ qıfılbəndİnə cavab
79. Şahlar Qərİblİnİn dİvanİ qıfılbəndİnə cavab
80. Tapmacalı əhvalat
81. Verİr
82. Şəkİlİ dostum Sakİt Məmmədova həsr olunur
83. Çİngİzİn «Dİşİnə» rədİflİ təcnİSİnə
84. Görürlər
85. Gülüm
86. Gedir
87. Olmadı
88. Qayaların
89. Ay zalım oğlu
90. Daşqın
91. Verərsən
92. Şuşama həccə gedirəm
93. Bu, dəlİ sevdadı…
94. Sözün düzünü desəm…
95. Dəlİdən doğru xəbər və ya Dərzİ şagİrdİ Əhmədİn yuxusu
96. Qarışqa edİrlər fİl adamları
97. Gedİm…
98. Hərdən söz yazıram sözün adına
99. Vətən, unutma mənİ
100. Ay şaİr
101. Eyləmİsən
102. Bakı küləyİ
103. Meşə cığırı
104. Bİr daha o qızın dalınca getmə
105. Gəlmİşəm

ÖZÜNÜZÜ SELLƏRİN QOYNUNA ATMAQDAN QORXMAYIN. SELLƏR HƏMİŞƏ AXIB ÜMMANA QOVUŞUR
_{Vahid Çəmənli}

«Mən sadə yolçuyam» kitabı ilə qarşınızdayam, əziz oxucularım. Xatırladım ki, kitabda şerlər sadəcə yazıldığı tarix ardıcıllığı ilə dərc olunmuşdur. Bu cür yerləşmə həm də müəllifin hansı zaman kəsiyində hansı əhval — ruhiyədə olmağının göstəricisi sayıla bilər.
Hər bir söz, hər bir misra ürəkdən gələndə ürəklərə yol tapır. Ürəyimin hökmü olmadan bir kəlmə yazmadım. Qəlbinizi zərif misralarımla xeyirə — uğura, insafa kökləmək istədim. Çoxlarınız qəlbimə bələdsiniz. Mən də Sizin qəlbinizin nuruna güvənirəm. Söz, sahibinin qəlbi ilə gözəl olur. Mən də qəlbimi gözəlləşdirməyə, onu kindən, küdurətdən, həsəddən, paxıllıqdan, qeybətdən, fitnə — fəsadlardan təmizləyə — təmizləyə uca Allaha, onun sevə — sevə xəlq elədiyi İnsanlara layiq olmaq istədim.

Su axar, çuxurunu tapar, — deyib atalarımız. Mən də axa — axa öz çuxuruma, ata — baba yurduma yaxınlaşmaq istədim. Hər sözümdə sizin kövrək qəlbinizi tərənnüm etməyə çalışdım.

Cənabi — Haqq bizə Vətən üçün gözəl bir məkan seçib. Azərbaycan torpağı… Tarixlərin qanlı — qadalı döyüşlərindən alnı açıq, üzü ağ çıxan qeyrətli oğulların yurdu… Bu yurda kimlər göz tikməyib? Onun gözəllikləri nə qədər şahların, xaqanların yuxusuna haram qatıb. Amma heç kim bu yurda sahib çıxa bilməyib. İgid oğulların, ərənlərin onları tarixin zibilliklərinə atıb!

Sənə minnətdaram, ey Ulu Xalıq, bu gözəl yurdu mənə Vətən seçdiyinə görə…

Əziz oxucularım, bu kitabı oxumağa sərf etdiyiniz, qəlbimdən süzülən hər bir kəlməyə qulaq verdiyiniz üçün Sizə minnətdaram.

Hələ uşaqlığımdan sazının, sözünün vurğunu olduğum atam aşıq Valehə, qayğısı, sevgisi ilə məni bəsləyib böyüdən anam Pərizada, mənim təhsil almağım üçün 6 — sinifdən məktəbi buraxıb işləməyə gedən qardaşım Zülfüqara, bir əlçim tifilliyindən çörəyimizi — yeməyimizi bişirən, paltarımızı yuyan bacım Qəndaba, atam — anam haqq dünyasına qovuşandan sonra bizə atalıq edən İdris dayıya, analıq edən Hürizad, Səriyyə xalalarıma minnətdaram.

Çəmənli adlı bir kəndə olan sevgisini, suyunu, havasını, Günəşini, torpağını mənimlə bölüşən, ağsaqqalından cocuğuna qədər canım qədər sevdiyim həmkəndlilərimə minnətdaram.

Gəncliyini, həyatının ən gözəl zamanlarını sərf edərək mənə həyat dərsi verə-verə elm öyrədən sevimli müəllimlərim — Qara müəllim, Bayram müəllim, Kamil müəllim, Şəmsəddin müəllim, Fərzəliyev Allahverən müəllim, Paşayev Allahverən müəllim, Məmməd müəllim, Xosrov müəllim, Səlbi müəllimə, Sabir müəllim, Musa müəllim, Quliyev Musa müəllim, Zülfüqar müəllim, rus dilinə dərin maraq oyadan İsmayıl müəllim — Sizə minnətdaram.

Mənə göstərdikləri səmimi münasibətə görə, hal — hazırda Taleh Nuruyevin rəhbərliyi ilə Ziyəddin İsgəndərov adına Çəmənli kənd orta məktəbində çalışan müəllim kollektivinə öz minnətdarlığımı bildirirəm.

İçimdə şerə, sənətə maraq oyadan sevimli müəllimim, Çəmənlimin gözəl şairi Şahmar Əkbərzadəyə minnətdaram.

Mənə mənəvi dəstək olan sevimli sinif yoldaşlarım Nizami Bayramova, Rəfiqə Rüstəmovaya, Allahverən Əliyevə, Çingiz Baxşəliyevə, Akif Abışova, Rafiq Piriyevə, Şahin Günəşliyə, Kamal Alışova, Esmira xanıma… minnətdaram.

Ərəstin müəllim, — sevimli müəllimlərimdən biri olan Sabir müəllimin şərəfli işini ləyaqətlə davam etdirən oğlu, — sizə minnətdaram. Mənə rəhm edib, tənqid etmirsiniz.

Ömrümün son 20 ilinin sadiq dostu, mənim «Nə ömürdü yaşadım» şerlər kitabımın ərəsəyə gəlməsində maddi, mənəvi dəstək olan Mahir Hacıyev — Sənə minnətdaram. O kitab olmasaydı, bu kitab da olmazdı.

Mənə böyük dəstək olan qürbətdə yaşayan dostlarım Adil Danilova, Camal Abdullayevə dərin minnətdarlığımı bildirirəm.

İncə zövqlü dostum Mayıl Adilov, mənim cızmaqaralarıma dəyər verdiyiniz üçün Sizə minnətdaram.

Hörmətli Doktor Müşfiq Mirzəyev, bir yazar kimi mənə dəyər verdiyiniz üçün Sizə minnətdaram.

Yazar insanın ailə üzvü olmaq çox çətindir. Əziz həyat yoldaşım Təranə xanım, oğlanlarım Valeh, Aydın, gəlinim Mətanət xanım, — Sizə həsr eləməli olduğum vaxtımı yazmağa həsr etdim. Sizə olan sevgimi şer dediyim cızmaqaralarımla bölüşdüm. Məni əfv edin.

Sizin Vahid.

Ön söz

Vahid Çəmənlinin çağdaş ədəbi mühitdə özünəməxsus yaradıcılıq yolu var. Şairin estetik təfəkkürü bəzən emosional obrazlarla, bəzən də adi epik nəzmlə təqdim olunur. Onun şeirləri nəzəri cəhətdən yanaşmada, bədii təsvir və ifadə vasitələri orijinal tərzdə bədii formalarla nəzəri cəlb edir. Vahid bəyin yaradıcılığında ən çox real həyatdan müşahidələrlə götürülmüş mövzuların bədii inikası yer alır, bəzən də təxəyyülün sərgilədiyi ideyalar, istək və arzular nəzmə çəkilir. Bu deyilənlərlə bağlı şairin yaradıcılığında vətənpərvərlik, haqq-ədalət, insani keyfiyyətlər, ədəb-ərkan təbliğ olunur, ictimai məfkurəsində əldən gedən, işğal olunmuş torpaqlarımızın azad olunmas arzuları leytmotiv xətlə hərəkət edir. Misal üçün şairin «Meşə cığırı» şeirindəki məcazlara nəzər yetirək:

«Hara aparırsan meşə cığırı,

Körpə uşaq kimi tutub əlimdən? — metafora, bədii sual»;

«Dururmu qocaman əncir ağacı?

Palıdlar qoyubmu başına tacı? — metafora, bədii sual»;

«Nur əmib Günəşin zərrələrindən… — metonimiya»;

«İncikdi taleyin zərbələrindən. — metonimiya»;

«Turş narın qayıdıb bəxtəvər çağı, — təşbeh»;

«Sağalır o köhnə zədələrindən. — metafora»;

«Boylanıb ömrünun zirvələrindən… –metafora;

…Göründüyü kimi bu misralarda verilən məcazlar-bədii təsvir vasitələri orijinal deyimlərdir. Şairin digər şeirləri də bu kimi bədii təsvir və ifadə vasitələri ilə zəngindir.

İstedalı şair dostuma bir daha yaradıcılıq uğurları arzulayıram!

Niftalı Göyçəli

Şair