Өлең Құнанбай қажы әулетінің ата қонысы, ұлы ақын өмірінің сәулелі сәттерінің мекені — Ақшоқы қыстауында жазылған.
Алғаш 1909 жылы Санкт-Петербургте жарық көрген "Қазақ ақыны Ибраһим Құнанбайұғлының өлеңі" атты жинақта жарияланды.
Туынды басылымдарында бір ғана текстологиялық өзгеріс кездеседі. Мүрсейіт қолжазбаларында, 1909, 1939, 1954 жылғы басылымдарда 6-шумақтың 3-жолы "Жай жүргенді өрт қылып" деп алынса, 1945, 1957, 1977 жылғы жинақтарда бұл жол "Жай жүргенді уерд қылып" болып берілген.