Уа, Хай! Уа, Қайюм! Рақымыңның құрметіне сенен жәрдем тілейміз. Барлық халімізді түзет, және көзді ашып-жұмғандай уақыт болса да бізді нәпсіміздің жетегіне еріп кетуден сақта!
Уа, Раббым, бізге көңіліміздің қуанышы, көзіміздің қарашығындай таза, пәк жұбайлар мен ізгі салиқалы ұрпақтарыңды нәсіп ет. Бізді тақуаларға көшбасшы ете гөр!
Я, Алла, өзіміз білетін және білмейтін, мейлі қазір, мейлі ілгеріде келетін барлық жамандықтан Өзіңе сиынамыз.
Уа, Раббым, Өзіңнің құлың әрі елшің әзірет Мұхаммедтің (с.а.с.) Сенен тілеген барлық жақсылықтарын мен де тілеймін. Әзірет Мұхаммед (с.а.с.) Саған сиынған барлық жамандық атаулыдан мен де Өзіңе сиынамын. Мені түрлі жамандықтардан сақтай гөр, уа, Раббым!
Пайғамбарымыз Мұхаммедке (с.а.с.), отбасы мүшелеріне және бүкіл сахабаларына салауат пен сәлем айта отырып осыларды Өзіңнен тілейміз. Дұғаларымызды қабыл ете гөр, уа, Раббымыз!
Сонымен қатар, дүниеде жинаған малымыздың ол жақта есебін береміз, қайдан және қалай тапқанымыздан, қайда жұмсағанымыздан сұраламыз, мал-мүліктің дүниеде азабы, ақиретте есебі бар. Олай болса, ақылға келіп, Алладан қорқып, қанағатшыл болып, ашкөзділікті, бір-біріміздің аяғымыздан шалуды қойып, көркем мінезді болып, бірімізге біріміз жақсы қарым-қатынас жасап, жамандықтан аулақ болып, бауырлардай өмір сүруді өзімізге қағида етуіміз қажет.
Яғни, адам қанша көп ізгі амал жасағанымен, тақуа болмаса, харам мен күнәдан бас тартпаса, Аллаға қарсы шығуды доғармаса, жасаған ізгі амалдарының ешбір пайдасы болмақ емес.
Егер ақиретте әр ғасырға ат қойып шақырылатын болса, біздің ғасырымыз «азғындық ғасыры» деп аталар еді. Бұл ғасыр – қиямет белгілері бірінен соң бірінің орын алып жатқан ғасыр
Бізге осы дүние мен ақыретте жақсылық бер және жаһаннамның жалынынан сақтай гөр.
Қалаған уақытыңда су іше алсаң, жеміс жей алсаң, тамақтана алсаң, бұларды әдеттегі іс ретінде көріп, бұл нығметтердің үлкен сый екенін түсіне алмайсың.
Дүниедегі ең бай адам – денсаулығы мықты, он екі мүшесі сау болғаны, ал ең пақыр – бұл нығметтен мақұрым қалған жан. Көздің қандай керемет әрі қаншалықты қымбат нығмет екенін адамдар аздап түсінеді, бірақ оның шынайы қадірін тек көзінен айырылған адам ғана толықтай сезіне алмақ. Иіс сезудің қаншалықты үлкен нығмет екенін одан мақұрым қалған адам біле алады. Есту, сөйлеу, тұру және жүрудің қандай зор нығмет болғанын бұл қабілеттерден айырылған адам ғана шынайы мағынасында түсініп, сезіне алады.
Алла тағалам, көркем есімдерің мен ұлы сипаттарыңның құрметіне Сенің сүйіспеншілігіңнен және жаннатта Сенің дидарыңды тамашалаудан алшақтататын түрлі сипаттардан жүрегімізді тазарт. Жүрегімізді іліммен нұрландыр. Денемізді Саған құлшылықпен шұғылдандыр. Көңілімізді бүліктен тазарт, зейінімізді Сені ғана ойлаудан босатпа және шайтанның уәсуасаларынан бізді сақтай гөр, ол бізге билік жүргізбесін. Уа, Рахман Аллам, Саған шүбәсіз сендік. Күнәларымызды кешір және бізді жаһаннам азабынан сақта.
Уа, Алла тағалам, бізге иманды сүйгізіп, оны жүрегімізде безендіре гөр! Сондай-ақ, бізге күпірлікті, күнәні және Өзіңе бағынбауды жек көргізіп, бізді тура жолда болғандардың қатарына қоса гөр!
Алла тағалам, Сенен абыройымызды асқақтатуыңды, мойнымыздағы күнәлардан арылтуыңды, ісімізді оңға бастап, жүрегімізді тазартуыңды, қабірімізде бізді нұрландыруыңды және күнәларымызды кешіруіңді тілейміз. Жаннатта биік дәрежеге жеткізуіңді тілейміз. Шексіз мейірім-шапағатқа бөлей гөр!
Уа, Алла тағалам, Өзіңмен жан тыныштығына бөленген, Саған қауышатынына кәміл сенген, үкіміңе разы болған және бергеніңе қанағат еткен нәпсі сұраймыз!
Алла тағалам, Сен біздің жаратушымсың. Сенен басқа құлшылық жасауға лайық ешбір тәңір жоқ. Күш-қуатым жеткенше ежелде Өзіңе берген антымды орындауға тырысамын. Істеген күнәларымның кесірінен Өзіңе сиынамын. Бізге сыйлаған нығметтеріңді растап мойындаймыз. Алла тағалам, Сенен салих, діндар құлдарыңның сұраған барлық жақсылықтарын біз де тілейміз. Салих құлдарыңның Өзіңе сиынған барлық жамандықтарынан біз де сиынамыз.
дүниеде Алладан қорқып дірілдеген жандар ақиретте көңілдері жай болмақ.