Жұмақ деген не?
Жұмақ − жарқыраған нұры, жайқалған көгі, мықты, биік сарайлары, үздіксіз ағатын өзендері, әртүрлі піскен жемістері, әдемі жас жұбайлары бар, әртүрлі киімдерімен жоғары, мықты және әдемі сарайларда бақыт пен нұрлы жүзбен өмір сүретін мәңгілік мекен. Қиындық, машақат, жамандықтар болмайтын, бақыттың ұясы. «Жұмақ − мәңгілік орын ретінде жарқыраған нұр, таралған хош иіс, өте жақсы етіп салынған сарай, аққан өзен, піскен жеміс, көк шалғын, қуаныш, балғындық»175.
Дүниелік өмірде тәуһид ақидасына мойынсұнған мүмін, мұсылман, тақуа, әулие, шейіт, шыншыл, нәби және елшілер үшін Алла бір мәңгілік орын дайындаған. Ол жердің аты − жәннат. Жәннат сөзі Құранда 147 жерде берілген. Жәннат сөзімен қатар Мәуа, Адн, Наим, Фирдаус сипаттарымен де беріледі. Дарул-мукама (құтқарылу), Дарус-сәлам (шексіз тұру), Дарул-хулд (мәңгілік) және әл-Хаяуан (баянды өмір) тіркестерімен де беріледі.
