Бір құдси хадисте Алла Тағала: «Құлым нәпіл құлшылықтармен тоқтаусыз маған жақындайды және мен де оны жақсы көремін. Мен оны жақсы көрсем, оның еститін құлағы, көретін көзі және сөйлейтін тілі боламын»15 деген.
Ілімнің қадір-құны оның мағлұматтарының құндылығына байланысты. Мағлұматтары қаншалықты құнды болса, ілім де соншалықты қадірлі болады. Мағлұматтың және танылуы тиіс нәрселердің ең қадірлісі – Алла Тағала. Бұл бойынша ілімдердің ең қадірлісі – Алланы танытатын ілім.
Алладан басқаны жақсы көрген және бұл сүйіспеншілігі Аллаға арналмағандардың махаббаты – олардың надандықтарынан және Алланы танып білудегі кемшіліктерінен.
