1921–1922 жылдардағы аштық Жетісуды да қатты шарпып өтті326. Атап айтқанда, Қырғыз АКСР-дегі жеті губернияның бесеуі аштыққа ұрынды. Далалық өңірлердегі шамамен 1,5 миллиондай адам тойып тамақ жеуден қалды. Мысалы, Атбасар уезінде 100 мыңнан астам көшпенділер мен шаруалар аштықтан қатты зардап шеккен. Алайда осындағы жергілікті билік тәркілеу науқанын 1922 жылдың жазына дейін тоқтаусыз жалғастырумен болған327. Жалтақтап, сақтана көрсетілген деректер бойынша да, бұл аралықта бүкіл Қазақстан аумағында 400 мың адам аштан өлген328. Республикадағы шаруашылықтардың саны 1920–1923 жылдар аралығында үштен бірге кеміген. Қоныс аударған шаруалар саны 500 мыңға жуық азайды, оның қаншасы қуылып, қаншасының аштықтан қырылғанын енді анықтау мүмкін емес329.
