Цитаты из книги автора Жадыра Жанарбек Сүйе біл

Ертеде ұстаздардың бірі аппақ қағазға бір қара нүкте қойып, шәкірттерінен:

– Қағаздан не көріп тұрсындар? – деп сұраған екен. Сонда шәкірттері бір ауыздан:

– Қара нүкте көріп тұрмыз, – депті. Сол кезде ұстазы:

– Міне, көрдіңдер ме, сендер бір парақтағы соншама ақ жерді көрмей, кішкене ғана қара нүктені көріп отырсыңдар, – деген екен.

Бір-бірін шын жақсы көргендер сөйлеспестен түсініседі дейді. Сондықтан көңіліміз бір болсын.

Сондықтан адамның ең жанды, ең нәзік дүниесі сезім болса, сезімнің ең биік шыңы – сүйіспеншілік. Ал сүйіспеншіліктің өлшемі – ақыл-парасат. Ал ақыл-парасатсыз сүйіспеншілікті сезіну, ойлау қателік.

Сүйіспеншілік – бұл адамдар арасындағы рухани көпір. Ол адамды жақындастырады, достықты нығайтады, мызғымас бірлік орнатады, адамның дүниеге деген көзқарасын өзгертіп, сырт әлеммен жақсы қарым-қатынаста болуын қамтамасыз етеді.

Үлкен ғылыми жетістіктер болмаса да, бәрібір адамзат өмір сүреді.
Ал егер сүйіспеншілік жоқ болса, ол тез арада құрып бітер еді.
Ілияс Есенберлин

Махаббатсыз өмір – өмір емес, бос тірлік қана. Махаббатсыз өмір сүруге болмайды, адамға жан сүю үшін ғана берілген.

Мысалы, мына бір

Өзгеден махаббат талап етіп, өзіміз шын сүюге қорқамыз. Өзгенің жүрегін алақанда жайып ұстап, өзіміздікін бөлшектеп жасыратынымыз да бар.

Сүйіспеншілік – тот басқан құлыптарды ашатын сырлы кілт секілді. Сүйіспеншілікке толы жүрек қана кез келген сынақтан өтіп, тосқауылдарға қарсы тұра алады. Ондай жүрекке ие адам айналасына әрдайым шуағын шашып, жанындағы жандарды бақытқа кенелтпек.

Нағыз құштарлық пен сүйіспеншіліксіз қай іс болса да ілгері баспайды.

Жер жүзіндегі адам адамды сүймек. Бұл – адамның жаратылысындағы мінез. Сүйіспеншілік ешқашан, ешкімнен ештеңе сұраған емес. Ол әр уақытта тек беріп келеді. Сүйіспеншілік қашан да жапа шекті, бірақ ешқашан өш алуды ойлаған емес