Сүйіспеншіліктің түрлері қандай? Сезімді қалай білдіреміз? Жастарға арналған кітап
Бұл кітапта адамдар арасындағы рухани көпір, өмірдің ұйытқысы, адамдарды жақындастыратын, достықты нығайтатын, мызғымас бірлік орнататын, тіршіліктің сәні мен мәнін келтіретін, жарық дүниеде барша кедергі мен кесапатты жеңетін ұлық сезім — сүйіспеншілік жайлы баяндалады. Отанды, отбасыны, ата-ананы, табиғатты сүю, сүйіспеншіліктің бес тілі секілді тақырыптар сөз болады.
Адам жан дүниесін елжірететін беймәлім бір сезім дабылы оны алғаш көргенде пайда болатын санаңа келген жаңа серпін секілді. Бір көргеннен жылы қабылдап, ғашық болдым деп жетегіне ере бересің. «Жарқ еткен отқа ұқсас сезімге берілме» деген өзгелердің сөзі де ескерусіз қалады. Осы сәттен адам өз жүрегіне алғаш леп берген жан туралы жатса-тұрса ойлайтын халге жетеді. Онымен бірге кешер махаббат өмірді көз алдына елестетіп, таңғажайып қиялдарға ерік беруі де заңды құбылыс.
Медицина факультетінің оқытушысы доктор Стюард Колфман бұл жайында: «Ақылым жеткен дәрежеме сай мынаны айта аламын: Адамның жаратылысы – адамның ақылы жетпейтіндей дәрежеде ұлы бір құбылыс».
